4 Nov 2009

mama (我) 今日返咗工第7日啦, 之前的6日都感覺良好. 覺得自己習慣番返工啦. 未返工前以為會好掛住Evan你, 唔捨得去返工, 原來又唔係咁嚴重. 一日裡面要24小時對住你, 有時身心都會好攰. 開始好感激有2個grandma可以幫手睇住你! mama返咗工呢幾日, 覺得個人放鬆咗, 有咩野可以同同事傾下計, lunch time出去行下街, mama覺得幾開心.  

不過每日要放工後, 大約8點鐘先返到屋企見到你, Evan你12點鐘就覺覺豬, 一日內可以見到你, 同你有interaction 的時間就只有4個幾鐘 (8-12), mama真係覺得唔夠o架! 今朝早你醒咗喊, 我抱住你一陣就瞓番啦, 但係, 我同你講: "Mama 唔抱得你瞓o架, 因為我好快就要走, 要返工啦". 我知道如果再抱住你, 一陣你熟睡啦, 我到時放你落床, 你好可能一定會喊. mama今日望住你抱住你真係唔想返工. 今朝早係特別掛住你的一朝!

可能係昨日姑媽比video mama睇, 見到你開始識得自己用手去打(玩)床上面掛住的公仔, 玩得好起勁好開心. mama覺得開始會miss咗一d你成長的片段. 你的每一個成長變化過程, mama都好想知, 好想睇到第一次. 好似之前見到你想食手手, 到真係放手手入咀, 再到剛剛過去的星期日你終於好自然咁放成隻手指公入口, 仲食到"o答o答聲", 成隻手指同咀邊濕晒. 雖然我哋唔比你食, 但呢d野我全部都想知, 想見得到. 朋友同事都覺得比奶咀好過比你食手指, 因為奶咀遲d可以唔比你, 容易戒. 昨晚你又食手指, 我第一次比奶咀你, 見你即刻唔嘈. 但mama都唔知應唔應該比? 想喺自己monitor到你的情況下先比, 但又要返工, 咩都睇唔到...唉~

如果mama可以一個星期放一日假(weekday),咁幾好呢~ 等mama幻想一下, 每個星期三唔洗返工, 可以自己湊住你, 你話幾好呢???