厭奶

上星期四開始, 細be食奶食得差咗.

平日通常食780ml, 第1-3餐食140ml (約5安), 第4餐食120ml, 第5餐食100ml, 第6餐臨瞓最尾一餐我哋比番140-160ml, 等佢食飽飽瞓覺覺; 每餐中間相約3-3個半鐘(睇番個量有幾多).

除咗在醫院頭幾日我覺得佢食得唔係咁好 (見到其他d BB 食得又快又多, 佢就日日都食得1安), 有d担心, 出院返屋企之後都一直覺得ok~ 食奶又快, 掃風又快, 通常10-15分鐘會食完5安奶+掃埋風. 上星期四之前, 佢仲開始食多咗, 有幾餐食160ml. 但宜家就差咗好多. 食100ml都食成10-15分鐘, 食食下又玩, 又笑, 唔想食就郁身郁勢. 佢愈來愈大力啦, 有試過佢唔想飲大力郁， 我揸唔實支奶, 比佢連奶樽都整跌埋~ 昨日有餐只食得2安奶，仲要分2次飲?!

囝囝，你唔飲奶就變瘦仔o架啦! 你出世已經輕磅啦. 要keep住食好d呀！