100日

睇住細be一日一日長大. 頸仔腰仔腳仔愈來愈硬同埋有力. 眼睛的focus 愈來愈對人對得準. 開始可以比較專注咁去做一樣野. 好似同佢玩, 佢又會玩得好開心, 會成日笑, 會好鐘意講野. 昨日比個公仔佢嘗試拎/摸, 佢又做到. 姑奶仲話細be開始識認人 (認得嫲嫲), 唔知係咪真係呢? 所以baba話我整咗hair straightening之後佢唔識得我? 又或者我果日唔係好舒服戴咗mask佢好似唔知我係邊個, 我唔戴啦, 佢又會同番我笑. 到底係咪咁快識認人呀???

之前成日聽人講話宜家bb比你抱就好抱多d啦 (遲 d 大咗唔比人抱啦), 我一直都未有同感. 昨日見到同事帶咗佢歲半個女返公司, 我真係覺得, bb好快就大, 好快就唔再baby, 會變小朋友. 諗到呢度, 我都有d 唔捨得. 宜家可以抱, 我諗我都要抱多d細be~ 如果唔係, 眨眼就大個仔啦~

宜家每日最安慰的就係夜晚食完奶掃完風, 放低佢自己瞓床仔就ok . 諗番頭果個月, 幾辛苦先可以放得到佢喺床仔瞓. 宜家真係兩回事. 真係覺得果陣辛苦d trained佢都係值得~ 不過宜家有時到6點幾就醒, 會嘈幾聲. 好明顯知道佢係要食手指食唔到 (我哋幫佢戴咗手套仔), 所以就嘈. 所以偶爾都要比奶咀佢食一陣先ok. (食幾分鐘我就會拎走o架啦. 無論佢瞓番覺未)

兩個grandma都覺得我好緊張個仔 (真係咁緊張咩???) 有日放工返到佢, baba 即刻同我講細be整親隻眼, 嫲嫲又跟住即刻同我報案, 話細be手甲長抓親自己 (不過又真係損得幾勁). 我睇真d, 唔係眼, 係眼對上個位. ok啦. 唔係整親眼就無問題啦 (就算係眼都無辦法). 今日又比婆婆嚇, 佢打電話比我, 講野一舊舊咁, 又好似好緊張咁, 咩有野跌咗落o黎, 好大聲呀....etc etc. 我以為係細be床對上個櫃有野跌咗落o黎, 嚇到我........心都跌埋出o黎...最後原來係廚房.....唉...我即刻同mama講...以後講野直接d, 唔好嚇我.... 我唔嚇得o架....婆婆之後話: "我已經同細be講咗, 叫佢記得要日後孝順阿媽, 你媽媽好緊張你呀~!"  仲有仲有, 昨晚唔小心"禁"到你個頭仔.....嘩嘩嘩, 嚇得我....你個頭仔原來仲係好"林"!!!! 我好驚整親你!!! 即刻同mama講, mama話佢唔係豆腐o黎, 唔洗咁驚...我....其實到今日為止, 都仲驚緊...以後真係要好小心...

今個星期六日幫細be請屋企人食飯. 攪100日dinner party. 當諗下可以著咩衫的時候, 先至知原來我高估咗我bb, 最近買的衫都買大咗. 未咁快啱著wor~~~