產前講座[完]

24-7-2009

一直都覺得去我報產前講座間醫院上堂好遠.

一共7星期, 幾乎每個星期都諗, 有咩交通工具去可以直接d, 唔洗咁辛苦.

由搭MTR (轉幾轉車); 到改搭巴士; 再到因為連間巴士迫爆上唔到, 改為巴士轉巴士. 再到最後呢兩堂, 因為個肚都愈來愈大, 愈來愈辛苦啦, 所以直接搭私的士去啦.

所以到上最後一堂, 都幾開心終於都完啦, 唔洗再去.

不過每一課都幾實用, 連baba都覺得值得去 (雖然放工後佢都攰).

去上最後一堂前仲開開心心諗終於完啦, 返到屋企就覺得有少少失落 -- 因為下個星期無得去上啦. 有些少唔捨得同唔慣.

8個月諗都無諗過咁快就過. 好想快d見到細be, 但又有d唔捨得...