Pre-wedding Photo (影相篇)

期待已久嘅影相終於都完成啦 ~~~ 之前要忍口真係好辛苦 ~~~

基本上上星期開始已經忍唔到啦 ~~~ 過埋呢個影相就要食食食返夠本啦 ~~~

三月十八日就係我地影相既大日子啦 ~~~ 個日六點半就要起身起程去馬灣啦 ~~~ 我地約左九點鐘

初時諗住去到會有時間食嘢 ~~~ 點知成八點十先去到 ~~~ 仲要唔知係邊 ~~~

好彩佢話遲d到都唔緊要 ~~~ 食個飽飽早餐先得 ~~~ 唔係我之後一定會後悔 ~~~

九點幾到步之後 ~~~ 就開始化妝啦 ~~~ 化左成個幾鐘 ~~~ 睇住自己個樣開始變 ~~~

因為之前我都冇化過勁妝 (esp 對眼) ~~~ 哇 ~~~ 真係自己都唔認得自己呀 ~~~ 化完出去揾佢 ~~~

第一句就話唔認得我啦 ~~~ 真係令人擔心影左出黎唔知係我呀 ~~~

到十二點左右終於出發啦 ~~~ 第一站係北潭涌 ~~~ 其實我地都唔知有咩地方會去 ~~~ 車程大約四十五分鐘 ~~~ 全程佢地個個都訓哂覺 ~~~ 得我同佢鬼咁興奮 ~~~ 到站後要行一少段路 ~~~

第一次要擺post 真係攞命呀 ~~~ 感覺超白痴同埋生硬 ~~~ 仲有好難擺呀 ~~~ 影左我諗大半個鐘就起程去遊艇啦 ~~~ 個度有成2對新人係度呀 ~~~ 真係full booking ~~~ 好彩個日天氣好好 ~~~ 影得都ok 卦 ~~~ 不過佢就好辛苦 ~~~ 因為d 野太白太光 ~~~ 搞到佢係咁流眼水 ~~~ 之後就換第二套衫再影左幾張 ~~~

跟住我地就去左一個叫鹽田嘅島 ~~~ 又要俾二百蚊 ~~~ 不過為左個我覺得好靚既教堂都要俾啦 ~~~ 個度其實除左個教堂就有d 舊既同荒廢左既屋 ~~~ 我諗影出黎都ok 卦 ~~~ 影影下 ~~~ 好肚餓呀 ~~~ 原來三點幾啦 ~~~ 仲要趕返去 ~~~ 因為馬灣公園五點就close  

返到去成四點半 ~~~ 之前係車叫左外賣三文治 ~~~ 佢就叫左星洲米 ~~~ 點知得兩個字食 ~~~ 佢地係咁補妝set 頭 ~~~ 我就係咁食 ~~~ 換完第三件衫 ~~~ 向公園同沙灘出發 ~~~ 都係擺post 同埋笑笑笑 ~~~ 去到沙灘仲要跑 ~~~ 哈哈 ~~~ 一定影出黎超核突

到7點幾就返去公司露台影 ~~~ 再換一套婚紗同set 頭 ~~~ 開始影室內景啦 ~~~ 到個時我地已經好攰 ~~~ 好想快d 完 ~~~ 又冇晚餐食 ~~~ 真係想連最後個套都唔影呀 ~~~ 點知仲要出去影夜景 ~~~ 落沙灘 ~~~ 之後頂住影埋幾個場景 (仲要係咁笑笑笑喎) ~~~ 九點半 ~~~ 終於搞掂啦 ~~~ 要快d 去食飯啦 ~~~

聽落個日好似好辛苦 (真係幾辛苦) ~~~ 不過諗返個日我地又經歷多一d 就夠啦