難忘單車之旅

星期六約左6個同事去大圍踩單車 ~~~ 我好多年都冇去踩過啦 ~~~ 所以有少少緊張呀 ~~~

之前係咁叫佢哋記得等埋我添 ~~~ 講返點解我哋會有呢個活動 ~~~ 事源係之前有人約唱k ~~~

但係大部份同事都冇乜興趣 ~~~ 咁就話不如改約踩單車 ~~~ 最初約時間個時 ~~~ 有d人又要考試 ~~~有d又要返學 ~~~ 又唔揀星期日怕第二日腳痛 ~~~ 遲左又話怕熱 ~~~ 咁終於約左4月18日 ~~~ 有12個人都話ok ~~~ 仲話之後去bbq ~~~

到左之前一個星期 ~~~ 開始個個都話唔得閒唔去得 ~~~ 搞到我同幾個熟d既同事都唔係咁想去 ~~~

不過又唔好意思話cancel ~~~ 星期五下午 ~~~ 再問埋bbq ~~~ oh ~~ 得4個人 ~~~ 咁當然cancel 呢個節目啦 ~~~

最後都有7個人去 ~~~ 我哋約左12點半係大圍等 ~~~ 我哋梗係遲左少少啦 ~~~ 哈哈 ~~~

踩左差唔多一個鐘 ~~~ 開始落雨啦 ~~~ 唉 ~~~ 早個幾鐘落咪好羅 ~~~ 好彩我哋啱啱去到科學園 ~~~ 叫做有個地方避下雨 ~~~ 有幾個人因為未食野就入去食 ~~~ 我哋幾個就係出面睇住d 車 ~~~ 點知d 雨愈黎愈大 ~~~ 又大風喎 ~~~ 真係又冷又辛苦 ~~~ 好彩有帶外套 ~~~ 唔係一定病呀 ~~~

我哋仲買埋便利雨衣 ~~~ 等細雨少少就回程 ~~~ 不過好似唔會細雨咁 ~~~ 我地逗留左個幾鐘 ~~~ 最後都要濕住咁走 ~~~ 隻眼係咁入水 ~~~ 條褲又濕哂 ~~~ 仲好似踩左好耐好耐咁 ~~~ 終於返到去啦 ~~~

到還車個時已經5點左右 ~~~ 條褲同鞋已經濕透 ~~~ 仲要搭成個鐘車返屋企 ~~~ 我哋都話呢個經歷真係從來未試過 ~~~ 夠駛難忘 ~~~