網誌分類：未分類 |
天文台長林超英告訴我們:假如溫室氣體的高排放情況持續惡化,以及城市化的急速發展,香港的冬天最快可能在十二年後消失。「咁即係點呀?」好事之徒問:「即係我哋以後一年只有三季;春夏秋,定夏春秋,定春夏秋夏呢?」好事之徒雖然狗口長不出象牙,但卻未嘗不是道理。
「這未免太可惜了。」朋友甲是位作家,一向喜歡傷冬悲秋,如果以後沒有冬天,「我的創作靈感肯定會有很大的遺憾。」朋友甲一聽到這段新聞,又開始發揮他悲天憫人的小宇宙。
其實,香港將會沒有冬天,又有什么大不了?這十多年來,香港失去比冬天更重要的東西,多的是。我們失去了音樂,早在家駒陳百強張國榮梅艷芳羅文黃霑林振強的離開,音樂已死。不信?打開收音機,聽聽專為年輕人而設的頻道,無時無刻,都在講自以為好笑的笑話,原因?「啲歌唔夠班,播流行歌會趕客!」是一位現任DJ親口告訴我的。
我們失去了分辨是非的能力,我們覺得自拍情慾照片,冇問題。上載下載流覽人家的情慾照片,都冇問題。由你不再講早晨,不再講唔該,每天用八卦娛樂雜誌送早、午、晚餐開始,我們就已經失去了一個人必須有的道德底線和價值觀。試問,活在這樣的一個城市之中,有人告訴你:「我們將會失去冬天。」你會有什麼反應? So what?
egg_bun_resized.JPG
YAN_6200.JPG
YAN_6194.JPG
vivian 2008-07-21 05:43
有句說話叫做：置之死地而後生。
等一種全新的音樂形態出現，大概就會迎來重生。
四頭披 2008-03-27 09:50
旦哥，無錯音樂已死，但係已死既，並唔係音樂本身。聽歌既人、播歌既人，呢一份土壤壞死，我認為先係事實。
失去家駒陳百強張國榮梅艷芳羅文黃霑林振強是一件令人痛心及懷念既事。的而且確活躍、有心、有才華既少之有少，我心目中「林一峰at17方大同陳奕迅」但係由於現今呢份土壤，林一峰at17方大同，亦只能做到稍有名氣，佢地係咪因為真係無前輩既天份呢？未必！
正如 DJ 埋怨沒有「好歌」播，但係一方面佢地宣揚緊一種少用腦少思考，多多笑多多垃圾資訊既氣氛。那麼若然麥當勞大嘆大怨沒有好材料會有乜分別呢？
呢份已死既土壤，埋沒了多少可能充滿才華既人。無錯，旦哥，只係可能，但睇住一隊一隊有潛質、有可能既樂隊，辛辛苦苦出到碟，結果只係留下一個所謂既青春印記，就解散。各自再回去營營役役，對理想說再見，灰到爆啦！
艾美 2008-03-20 15:52
Sheba 2008-03-17 11:16
stella ～絲帶拉～ 2008-03-15 00:53
我阿媽話 上一輩既藝人都冇發生咁多事 唔知點解一輩既都係咁既命運
又好似係 唔知點解 離開左既都係差唔多同一時期既藝人
剛好係我陪我長大 讓我迷上既果一代....