命中注定

有睇開我blog嘅朋友們, 你們都應該知道係幾個月前, 我有一位朋友係意外中死亡嘅事, 雖然呢位朋友離開咗, 但佢帶比我地嘅唔只係回憶, 仲有嘅係啟發...雖然意外嘅野成日都會發生, 但當發生嘅係你身邊嘅人嘅時候, 原來感覺完全係兩回事...

人嘅生命其實好脆弱, 一啲係你身邊嘅人, 平時見面都好似係理所當然嘅事, 但你有冇諗過係下一秒間佢可能已經化作做塵埃...

我們都以為今日所擁有嘅野係理所當然, 我們都以為生命仍然有段很長嘅路, 但又有冇諗過, 你剎那間會失去一切...

呢啲說話其實每個人都識講(包括我以前都係...), 但到今日我先真真正正明白...

近日朋友經常問我: "有咩事唔開心呀?"

事實上由結婚到而家, 的確有好多唔開心嘅事, 多到我都唔知係邊到講起...

曾經有一段時間, 我覺得我嘅世界只係剩番我自己, 感覺好無助...

但朋友們, 不用擔心...

只可以講話我而家正在學習珍惜, 學習忍耐...

我要相信唔開心嘅事總會過去...

我要相信....

P.S. 珍惜你們....