EAG

岩岩呢個星期六、日做完part-time, 響大球場幫手賣野食野飲...happy time..but also hard, 星期六day 1晨咁早眼都未開6:30要到大球場....其實咁早都唔知有咩人會到...但估唔到又真係有人來問有冇早餐賣, 大部份人都未訓醒, 個個都要coffee...lol....

星期六果日係Rugby, 一朝早係小朋友既比賽, 好攪野...下午就係男、女子組初賽...一有China HK 出場就會聽到成個大球場既觀眾起晒哄, 真係幾好氣氛~~我地個counter對住VIP房, 不過並冇見到有d咩"VIP"出入...我做cashier, 對住部電視, 唔使行出去都有比賽睇, 唔錯...哈哈...不過只限唔忙既時候...其餘冇乜野做既時候就係fill下野, 食下野, 吹下水, 整下野飲俾自己 .....咁就順利過渡到3:45pm.....鬆人！

星期日就係決賽...諗住會好多野做, 因為個更本身係0730 - 1930, 跑12個鐘, 似足看更既工作時間....不過...琴日並唔係想像中咁忙囉, 如果同之前3月既國際賽Rugby 7 比較, 真係天同地.... 多數時間我地都係響度hea..又研究點mix sea breeze, bloody mary...lime squash...pims...係咁整野飲....係咁睇比賽...係咁食野....就係咁..又hea到5點幾收檔...大家執晒野,fill好晒d野, 拖好地, 換埋衫都係6點幾..又走得人...

呢兩日其實算係hea住咁做....不過都俾人讚...開心既~

有時做下呢d唔使點"計算"既工作, 只需要收下錢, 俾d笑容, 主動d拉下客, 同d客人吹下水....相比而家全職呢一份...真係算優差！