沙灘

今日咁好陽光，一家大細就去沙灘游水，以往妹妹好驚水，但係經過今日訓練已經唔怕海灘，攬住個水泡腳踼踼就話"妹妹識游水喇媽咪"，我話啲水好咸，佢話"妹妹無喊呀"，因為佢上一次去海灘仲喊到豬頭嘛...而今日游得好開心呢!

小朋友好喜愛玩沙，只係堆沙就可以堆足一整天，睇住佢哋將啲沙"不嚟不去"就好開心，令到媽媽都好開心，因為簡單而且有益好玩，仲唔洗花費，所以有個沙灘喺左近確實係媽媽嘅寶貝!

好明顯兩千金都好鍾意跳芭蕾舞，叫佢哋擺個post都扮晒嘢!

離開了，樂兒問:媽媽點解咁快走嘅，我話要返屋企食飯喇，下次再嚟玩過啦，然後就係不斷的追問:幾時?幾時?幾時?係咪聽日?