寸步不出家門

自從細佬仔出世後，就好似有把鎖鎖住我咁

要同晒兩個寶貝仔一齊出街，得我一個都真係咪使旨意

主要原因有兩個

一）大佬Ｂ＋細佬仔既行裝多到好似揹多個仔咁

　　淨係細佬仔既奶粉、奶樽、尿片、紗巾、濕紙巾、包被、衣物．．．

　　已經放滿背囊既一大半

　　再加埋大佬Ｂ既外套、手巾同雜物，個袋仲重過以前番學個書包呀

二）大佬Ｂ既醋意－呢個先係最主要既原因

　　見到細佬仔比人抱住，大佬Ｂ都唔輸蝕，即刻搵水泡，九成都係我

　　呢個情況任何時候都會出現

　　不論係街定屋企、兩手空空或者拎住好多野，大佬Ｂ照扭可也

　　若果係街，大老爺在場，一定第一時間抱起佢，免得佢喊到鬼殺咁嘈

試過因為爸爸唔得閒幫我睇住細佬仔，我要帶住佢同大佬Ｂ番學校跳舞

來回既路程加埋行左大半個鐘，番到屋企好似打完仗咁，散晒

只係同區都搞到咁，再去遠Ｄ都唔知點算

所以若果冇人幫手既話

我情願留係屋企．．．