我都係港澳同胞 ~

昨天 mama, 婆婆同我 3人行去咗香港 (婆婆都去因為佢要取香港特區護照), 為的是香港入境處已經批了我有香港居留權, 所以我已經成為真真正正港澳同胞喇 !!!

早上我地8:30已經到了碼頭, 因為新碼頭做緊 promote 有免費來回船飛取, 所以我地為咗慳回 $300/人, 於是去咗試搭喇 ~

呢度地方好大, 大致上都幾好, d船船又大隻, 最唔好就係交通設施未完善同埋要從候船室行 5分鐘先上到船船 (好在 dad dad 揸車車包接送, 而且當然唔洗我行喇 ~ )

雖然坐窗口位, 不過都睇唔到風景 ~

同婆婆合照一張留念

我地一上船船就陪婆婆行去攪特區護照, 攪完佢地就去食飯飯, 而我就覺覺豬喇 ~

之後輪到我夠鐘去灣仔入境處, 所以我地搭 MTR 去, 在站內影了一張相做留念

mama 話我搭 mtr 個樣好懵喎 ~

攪掂晒所有正經事之後, 我地去 shopping 喇 ~ mama 首先去咗恩媽度取貨, 之後就在商場內 shop 下衫衫咁喇 ~

我去到邊度都比人撩呀 ~ 其中有個 sales 姐姐話我眼大大, 又深雙眼皮, 而且笑起上來又有酒窩, 好似 張智霖喎 ~

行完之後又去返旺角 high tea, 我地去咗 mama 最 like 嘅商店食野呀 ~

mama 叫咗呢d high tea ~ 而婆婆都叫咗 cheese cake ~

食完又繼續行過 ~ 我地約了 money 表姐一家食 dinner, 所以行到差不多就 join 埋一齊喇 ~ 我地去咗食 sushi 呀.  其實呢間店 mama 之前都有來過, 不過就因為個時舵住家姐姐, 所以有得睇冇得食.  今次 mama 終於可以大吃一餐了 ~

mama 話借我比堂舅父影番張一家四口相呀 ~  等佢地試一下有對龍鳳胎嘅滋味喎 ~  (money 表姐都係大我兩個月多少少, 所以都唔係差好遠啫, 仲可以扮下龍鳳胎 )

我同 money 表姐玩得好開心架, 我笑時佢又笑 , 不過當佢唔 like 時就會勁尖叫嚇親人, 所以堂舅父幫佢改了個日文名叫 " 一尾哨子 "

mama 都要同 money 表姐影番張相相呀 ~

香港一天遊又到尾聲了, 我又係時候回澳門喇 ~ mama 話下次再黎過 lu (如果免費船飛 promote 未完結的話 )

p.s.

回顧家姐姐成為港澳同胞 ~ ~

堂舅父細細個時係由婆婆湊, 湊到3歲先冇湊回香港讀書, 所以 mama 同堂舅父特別好感情架, 而公公婆婆直頭當佢係自己個仔咁呀.  所以次次 mama 去香港都係約咗堂舅父食飯飯, 而堂舅父來澳門都一定會找我地