從工作中成長起來

今日就係返左兩個月工既日子啦...話咁快就過左60日.

雖然好似只係短短兩個月, 但我卻學識左好多好多野, 唔但止係電腦層面上既, 範圍擴展到處理問題, 同客溝通技巧, 對人對事態度. 真係令我成長左好多呢.

我好欣賞我老細, 佢好叻又好好人, 有難題佢都可以幫到我忙. 我係佢身上真係識左好多野. 同佢比較, 我先知道自己對人有幾幼稚同埋做事有幾衝動,又唔夠信心. d英文真係好差好差. 我要用字典去查我老細出既每一封email. 佢用既字眼真係好formal令人一望落去就會感覺到佢有幾professional. 總之一句, 有佢係度, 我會繼續做哩份工.

可惜, 天不從人願. 我由今個月起, 將會轉under一個新請返黎既老細. 但經我細心觀察, 我可以80%肯定佢係一個唔太負責任既人. 至於佢有冇料到, 我就唔太清楚啦. 如果將來我舊老細真係走左去第二度既話, 我諗我都無意思再留係度. 因為我唔願意跟一個唔負責任既人同埋一班無理取鬧既客.

無論將來如何, 我都會繼續努力去克服所有難題. 相信如能成功解決今次所有既難題, 我就已係成功既人士啦..哈哈