上學後的進步

恩祈正式上學個多月，頭半個月係適應期冇乜特別。但之後就明顯進步多了，自理能力更高，一叫就起床上學(皆因非常喜歡上學)可以自己除褲著衫甚至扣鈕(鬆鬆哋嗰啲)，不停哼兒歌同跳舞，扮林老師點名、教書，有時見佢比本書啲動物公仔睇但又唔出聲，問佢又話做緊默劇。又扮Miss Sara指住本英文書：What is this?this one.What's she doing?......

亦變得更合群、禮貌及守規舉。所有班上老師都記得，仲有劉校長同冼主任佢都常常提及，佢話好鍾意學校同所有老師。

與同學交往亦非常融洽，常有些女同學在街上見到佢就拖住手，最喜歡提起蘇菲雅，形容佢短頭髮愛一起玩，而鄭悅睛由於不與她說話因此比較少提及。不過有一次不快事係上學頭幾天老師話有一小朋友推倒她令她哭了，但係過幾天問番佢哋又一齊玩番，我教佢要體諒人同有事同老師講，相信總是笑臉盈盈的她會受人喜愛的。

學習興趣濃厚，我問佢想學乜嘢例如游水、溜冰，佢話唔好，話想學芭蕾舞同畫畫。

在學校做的一些小手工

生日會的禮物袋和中秋的小禮物教會的勞作和家中的塗鴉

佢自己覺得好靚要貼滿雪櫃，由於太多我一掉佢就好傷心！