埃及團友再團聚

2009.07.25(sat)    今日係我哋2005埃及團友的gathering,約咗蚊芝去深井Lousia & Michael屋企玩，佢哋仲已經添咗位一歲千金"魚魚"......當年我哋三pair在埃及的十天真係玩得好開心，去之前仲已經在網上討論區打過交道，嗰時我同老公都未有恩祈係最後一次二人世界去旅行，小強就在當地向蚊芝求婚，而Losuia 同Michael就新婚honeymoon(同我哋一樣五月八日結婚，只係遲咗五年)，之後同Losuia失咗聯絡，同蚊芝就變做blog友，最近在Facebook同Michael重遇，就有咗今日的重聚。

等蚊芝有埋bb就可加入我哋的"媽咪會"......魚魚錫祈祈

恩祈被妹妹玩到啲頭髮亂晒都o.k.

魚魚好愛笑，而且聰明絕頂，只有一歲卻完全聽得明我哋講乜嘢，又遺傳咗佢媽咪的古靈精怪。(恩祈話叫我唔好再抱其他人，佢話佢唔開心喎！同我一樣o甘小氣)

魚魚屋企好大好舒服，我哋結果由下午三點玩到夜晚差唔多十點都唔捨得走，家的感覺真好。