大日子

今日係一個特別的日子，將會永遠刻在 Brian 的日誌上。

早上九時許，在家吃過早點，便與老婆大人及 Brian仔 一同前往學校。點解暑假仲要返學？因為今日係到另一間學校面試。對 Brian  o黎講，呢間學校好大，好多籃球架，比讀緊的那一間大好多；對我o黎講，30年前呢間學校將我拒諸門外，前年在政府大攪珠亦失意於此校........

上天做每一件事總會有佢o既安排，去年亞仔入唔到呢間學校，但在而家讀緊果間都能一展所長，成績滿意；兜兜轉轉，亞仔在今年9月又可以在這間夢寐以求的學校讀書。希望亞仔唔好錯失呢個機會，繼續努力，在這間學校再次一展所長。

另外，亦不得不感謝舊校的老師，尤其係P.1C班主任胡老師。無o左呢位伯樂， Brian 呢隻馬仔又點識跑呢？

還要感激兩位人兄在此事情上提供寶貴的意見，佢地就係我尊敬的姨丈及我老闆。

講真的，我們一家二十幾口都好開心!

亞仔去邊度讀，咪係呢度囉....

亞仔，老豆又要贈你兩句：

係時候出去闖一下，唔好做井底之蛙!

We are proud of you !