Brian 第一次睇戲 ---- 功夫熊貓 (Kung Fu Panda)

知道今日係電影 "功夫熊貓" 的首映日，於是昨晚便在網上購票；亦由於今次係兩兄弟第一次去戲院睇戲，所以便搵埋 Brian 哥哥一起參與，由 Brian 在網上揀位。正場票價每位 $50，我地今次揀左早場 9:30 AM，票價每位 $35，另加每票 $6 手續費。

點解 Brian 6歲先至第一次去戲院睇戲？因為每次行過戲院佢都話怕黑，但今次呢？因為被電視廣告吸引，所以主動要求去睇，我亦可訓練一下佢唔好怕黑，兼且要有時間觀念，唔好遲到。

早上九點許，到達淘大戲院，未夠鐘，過對面 "麥當當"食個開心樂園餐，碰巧有兩個公仔送，係 "功夫熊貓" 的主角 "熊貓亞寶" 及 "虎女"，一人一隻唔駛爭! 食完早餐返去戲院都仲未夠鐘，就同兩位少爺在大堂影張劇照。唔知你地有無留意， Brian 頸上掛有一支細 "Mag-Lite" 電筒。因為佢怕黑，所以我咪比件"架餐"佢旁身囉!

約90分鐘的電影，對於我呢個唔鍾意睇卡通的爸爸黎講，我都覺得無冷場，亦可克服兩兄弟怕黑的問題， Good Show !!!

細佬 Barry 仔未夠 1米高，唔駛買飛

帶電筒睇戲，我都係第一次見 !!!

亞寶(陳奕信配音) 與 虎女 (何韻詩配音)