朋友 "澄澄" 的生日會

日期：2008年3月9日

地點：沙田某"麥都都"快餐店

星期日，爹地媽咪帶左我同細佬去"澄澄"的3歲生日會。邊個係澄澄？媽咪話係佢中學舊同學個女，但係點解細佬大過澄澄，反而澄澄就高過細佬呢？

我同細佬都好開心，因為正式0黎講，我地都未去過麥都都食0野，只係去過參加同學的生日會。點解爹地唔帶我去麥都都？因為爹地話每次去完麥都都生日會之後，都要睇醫生(喉嚨發炎)，萬試萬靈! 但今次我有備而來............. 解藥。因為我都未病完，爹地話還掂有解藥，食左先算啦。於是我食左個芝士漢堡+粟米+鮮奶，而弟弟就同我一樣，只係轉左飲鮮橙汁。

生日會後，我地一家人去左隔離0既史路比公園影相。由於太熱，影左一陣我地就投降啦 !!!

麥都都杯裝粟米係我的最愛 

亞哥都就0黎食完啦，點解我仲未有嫁 ??? 媽咪，我唔制呀 !!!

你睇壽星女 "澄澄" 幾開心 !!!!!

亞哥偷食蛋糕？原來係有D皺紙跌0左落蛋糕面，所以哥哥幫手清理。

食開心樂園餐，今期送隻"怪蛋老虎機"。爹地成日叫我比心機讀書真係無講錯，因為張說明書好多都係英文。

頭先未夠飽？唔緊要，呢度仲有個蛋糕......

爹地話華明叔叔屋企養魚，不如送多隻雀仔比佢啦，等小豬妹妹都有寵物呀!

好晒呀! 等我同細佬都帶番副 "超" 先 !~!~!~!

爹地媽咪乜你地好辛苦咩？點解影親相都要"痞"0係度 ???