柏豪25歲生日派對暨歌迷聚會

今日系柏豪嘅25歲生日派對.第八次見柏豪.

雖然柏豪嘅生日已經過咗3日.

不過仍然希望柏豪可以大一歲更加進步,永遠支持你!

今朝估唔到咁快就可以到咗彩虹.

就唯有坐喺大家樂度hea啊,等到兩點幾就同柏豪fansclub嘅匯合嚕!

之後就齊齊搭巴士去酒店.

哈哈一下子咁多人上巴士真系得意.

今日柏豪嘅帽好鬼可愛啊哈哈哈~系個生日蛋糕嘅樣.

不過因為唔可以影相,所以就冇影到柏豪啦.

第一次見柏豪唔影相,之前次次都會影下相噶嘛.

兩個鐘頭過得好快.細說真心話,玩遊戲,食嘢.

眨眼間就過去.

轉眼間已經支持咗柏豪四年幾.

仲記得以前成日講K-2嘅model好靚仔好靚仔.

成日特登買K-2嘅衫哈哈.

後來無意中搵到柏豪嘅blog,仲成日睇.

再跟住柏豪就正式出道,一切一切都過得好快好快.

好多嘢都一言難盡,好榮幸可以支持一個咁有熱誠嘅歌手.

肯用自己嘅影響力去呼籲其他人幫助社會.

并唔系好多歌手做得到,周柏豪就系其中一個.

期待與你下一次見面.期待你嘅首個個人演唱會.

我哋一大班fans一定會同你一齊高歌尖叫歡呼呐喊!

我哋會繼續follow周柏豪.永遠.

你要好好休息=)