one week...

呢個星期...

好似最近嘅日志都係拿呢個來做開頭,突然覺得自己好懶,已經變成"一周一篇"la,不過冇辦法啦,最近都很忙,特別周一到周五,係星期六日比較有時間上網寫下blog,至少我promise唔係一月一篇就可以了,hahaha...

好,講翻正題...

呢個星期簡直忙到飛起,本來公司嘅辦公室有12個人,但係因爲要公幹,今個星期開始陸續有人出差,最後辦公室剩翻大概8個人,于是12個人做嘅嘢分攤咗咯8個人嘅身上做...

但係,咁都未够,由于另外有個公務比較緊急,係本來就唔够人手嘅情况下,我同另一個同事係26號被派咗去湖南公幹...

(點擊睇大圖!)

行程係:25號23:56火車,廣州→湖南衡陽...清晨6點半到達...公幹辦事...26號中午12:10火車,衡陽→廣州...下午18:30到達...

于是乎,公幹辦事不攰,因爲好快就搞掂咗,真正攰嘅係搭火車,這來回12個鐘嘅火車真係難熬><'...翻到來個人都好晃...

估唔到第一次去湖南省,距就比我咁深刻嘅印象,好,很好!!!...

不過都有驚奇嘅發現,就係比我見到醒目汽水嘅提子味,hahaha,好懷念好好味...

仲有仲有,早上果個叫"魚粉"嘅早餐,太太太好吃了,辣得來味道超超超鮮,我喜歡!!!...

=======================================================================

等到終于到咗星期六,雖然好攰,但係仍然想去打羽毛球發泄下...

結果到咗我出門果時,個天居然開始落雨...難道我是貴人><'...

然後越落越大,最後簡直就係去到一個"落狗屎"嘅程度,廣州好耐都冇落過咁大雨咯...

于是乎,我係車站d鋪頭度避雨,點知雨不單止大,後來更夾雜埋大風,所以我成個下半身濕晒!靠!!!...

短短嘅幾分鐘,我見證住個天由白變黑,于是我好手痕咁拿部相機出來係咁影係咁影,一度旁人射出怪异嘅眼光望住我!靠!我要你管啊!!!...

(點擊睇大圖!)

最後避咗半個鍾頭雨,我見都冇點細度,决定放弃,啓程回家...

點知,屋企,條街竟然TMD水浸,我不得不挽鞋赤脚前進...

靠靠靠靠靠靠靠靠!!!我不喜歡落雨!!!更不喜歡要除鞋赤脚行過d污槽水!!!!!!!!!!!!!!!!

翻到屋企之後,當然第一時間換衫沖凉la...

之後打開部電視,睇到呢條新聞:

< 20090328.地球一小時. Earth Hour > 

其實好耐之前就有留意呢個咁有意義嘅活動了,只係最近太忙一時忘記咗...

上Youtu睇到兩段唔錯嘅宣傳片,分享下...

    “地球一小时”活动首次于2007年3月31日晚间8点在澳大利亚悉尼市展开，当晚，悉尼约有超过220万户的家庭和企业关闭灯源和电器一小时。事后统计，熄灯一小时节省下来的电足够20万台电视机用1小时，5万辆车跑1小时。更多参与的市民反映，当天晚上能看到的星星比平时多了几倍。
　　随后，“地球一小时”从这个规模有限的开端，以令人惊讶的速度很快席卷了全球。仅仅一年之后，“地球一小时”就已经被确认为全球最大的应对气候变化行动之一，成为一项全球性并持续发展的活动。2008年3月29日，有35个国家多达5000万民众参与其中，并证明了个人的行动凝聚在一起真的可以改变世界。
　　2009年，“地球一小时”来到中国 ! 2009年3月28日晚20：30至21：30，保定、北京、上海、2009“地球一小时”中国启动仪式香港、南京、大连、顺德、杭州将会共同行动，熄灯一小时。全球预计会有80多个国家、1000座城市、约10亿人共同创造这个美丽的“黑暗时刻”，共同为地球的明天做出贡献。

點解!!!點解廣州會冇份,唉,失望...

算!!!我自己,同身邊嘅好友一齊响應就好...

=======================================================================

噢噢噢,好長嘅一篇文章,寫完!!!

下周繼續...