森冤‧深淵

真係唔好怪人點解成日捧西片場而甚少睇港產片，只要大家去睇睇套"森冤"就明晒
一套懸疑驚慄片完完全全唔懸疑驚慄，大家直頭當正笑片咁睇
鄭伊健似足一個神經科學家，但又有個傻探長舒淇相信他認為可以運用樹木當目擊證人(？！)破案

講講下樹，又講講下鬼，再講講下其實想講外星人(全透明 Predator 咁，慳水慳力)
話來森林做實驗，但又無端端坐UFO離開，難道因為鄭伊健和舒淇的堅強意志而有所啟發？
麻煩導演唔好搞錯，不是 Ming Sir 一日到黑神神秘秘出現就叫驚慄，講一些古古怪怪的說話就叫懸疑，觀眾不是三歲細路

成套片給我的印象跟"Signs‧ 驚兆"有點相似，好似好有野，但我實在唔識欣賞

以下我有幾個提議：
1) 寄去無線，等"Adam 井" "貽興枉" 同大家探討一下"森冤"到底有幾迷
2) 寄去撒瑪利亞會，其實套片好勵志，只要有信念就會成功，切勿輕生
3) 如果想換電視，記住預備啤酒(最好玻璃樽裝)花生同一大班朋友齊齊睇，博有人忍唔住掟爆佢

彭順的"妄想"已經麻麻，彭發的"森冤"的的確確讓人掉進深淵，以後仲睇唔睇你們執導的電影好呢？