如果唔係媽咪話要我影返d相留念,否則將來會後悔等等等(佢當年無影到可樂個ad 後悔到而家...) 鵪鶉小姐一定唔會開始兼職做headshot model...
其實... 前幾日開始我個blog/email不斷收到同一個壞消息... 大約話我一位攝影師好朋友突然急病離世,要我幫手聯絡... 無可能!! 我五月仲同佢一齊工作,我呢幾日都逃避扮唔理... 剛剛終於證實了,心情好難受...
Raymond Yip--- 一個非常專業對自己極度挑剔執著既大好人攝影師!!
佢通常只拍城中名人大家族,認識佢,就係一次係four seasons grand ballroom獨奏時被佢發現,佢癲到另請專人高價去執走相中現場10幾20個工作人員,剩返個場一部琴同做琴手既我!!張banner相同promo 好成功,於是佢開始搵我影close up...

有次佢話想搵我幫手影相拉私人客戶...我諗如果連我都可以影到咁靚,說服力會好高啩!! 個task 就係要起一個A2 size 既空間內做400幾個headshot pose, 我唔係專業, 我d pose hold 得唔耐,唔習慣鏡頭長期睡眠不足眼袋超大,影影下激到佢攞左一疊大美人李小姐既preview... 「你睇下人地,1分鐘影到百幾張呀...」「我都話左我唔係專業架啦,係你要搵我影之嘛...」 -__________________-"
到最後影左8粒鐘至零晨四點,係shooting咁耐以黎最最辛苦既一次... 正當大家以為d 相好有feel既時候, 其實過程係聽住「嘩嘩嘩打到黎」再加上一大堆可樂美食同難gag... 相好靚,學到好多野,第一次見到同自己比例一比一既大頭相好驚訝,亦從心底佩服佢既專業
往後既工作繼續相見,次次都超好玩,真係無諗過...
兄弟,上次見你仲健健康康開開心心架?!! 你唔係想等我甩左個眼袋再試影extreme close up咩?!!
我唯一最後悔既係,我只同Raymond輕輕提過耶穌,無認真咁傳福音,心諗,好朋友,成日都見架啦...我仲記得佢話過想遲d上天堂架,不過想隊埋呢支煙先之嘛...
原來有d 野,遲左,就無機會,唔珍惜,就會無...
心裡相信的,我相信天堂總會相見
Rest in Peace, Raymond
xyz 2009-07-05 05:34
小雲 2009-06-27 12:33