攝影公司收費真合理!!!

  續親愛的嫲嫲...仙遊去了~~

星期日個日已經打電話D酒樓,租車,化妝,租衫公司,有D星期日唔開,我星期一再通知佢地,佢地全部都好好,一聽到我發生左呢D事,即刻話無問題,我幫你hold起佢,到我再有好日子個陣再通知佢地,有D我未講完已經話幫我hold一年,佢地全部都好好,真係好多謝佢地無條件咁幫我留起我仲未用既服務,唯獨是有一間!!!!!!!!!!

真係得佢呢一間話要收返我5成既費用!!!!!!!!!!!! 5690元!!! 開頭仲話要收8成!!! 9104元!!!!

就係當日既攝影!!!!!!!! 真係諗都無諗過!!!

歐陸婚紗攝影!!! 我地係Book左佢地大日子攝錄配搭套餐,價錢係11380元,當日我地係會展睇左,返屋企考慮左一晚,第2日都係返去搵佢地,因為見佢地係唔知基督教定天主教,有個明星仔結婚個陣搵佢地做攝錄,諗住都OK啦,11380元係好似貴左DD,不過應該都唔差既... 一路都無咩問題,(因為都未有D咩要搵佢地做!!)

當日係會展已經比左一半訂金,當時諗住另外個一半係係結婚當日先比,點知原來要交細個相時就要比埋另外個半訂,我男友問個攝影師,可唔可以以結婚個日比??個攝影師話你都可以當日比,不過到時你又要比酒樓錢又要比其他錢,驚你地會亂,所以交細個相時比啦! 咁我又覺得無問題既,因為遲早都係要比,無所謂啦... 就係10月尾個陣拎D相上去時就比埋尾數嘞... 咁都唔係咩問題既... 因為無諗過會發生呢D事...

但當我通知佢地我地雖要改期時,佢地覆我男友話,如果係婚期前一個月通知,要扣訂金既8成,3個月前通知就要扣5成,但因為個攝影師都記得我地,同我地都幾好傾,所以扣5成就得嘞!!! (都唔知點解會打比我男友,之前係留我電話的!!!)

我聽完之後火都黎!!! 咁我就再打電話去佢地個到,我話我Book左其他個D公司,一間都無話要收我錢,佢話唔係佢公司既問題,係客既問題,而且佢地已經預好哂師傅比我地,你咁遲,依家D師傅都接唔到野做,所以要扣5成!!! 我話我知我亞嫲幾時死呀!!! 如果可以我都唔想改啦!!! 我話5成會唔會多左D過份左D呀!!! (我都低低地,問佢會唔會多左D!!!!梗係唔會啦!!!!)個女人笑住話,唔會,點會多呀!!!

我話其他公司真係一間都無扣我地,點解你地要扣,仲要扣咁多!!! (當時我已經失控...唔應該同佢講呢D野!!! 我係自己係條街到,男友返左工!!!) 我可唔可以拎返個一半錢?? 佢話唔得,無得拎返!! (人地點會比返錢出黎呀!!! 超低能!!!)

我再問佢,咁我依家要點做呢?? 佢話我有日子就通知佢地,比返半年時間我地!!! What??? 半年!!! (我又發"丁") 喂!!! 我答唔到你嫁喎!!! 半年!!! 我要再擇日都起碼要100日之後啦!!! 半年!!! XZY!!! 佢就話比一年時間我地!!!

收線後越諗越唔順!!!! 你扣我5成,5690元,之後影之前又要比5690元你地,計埋D OT費,佢地OT都特別貴,人地100元個鍾,佢地收120元,早費人地收100元一個,或者只係比的士費,佢地就收每人200元一個鐘早費,計計埋埋,如果再搵佢地,我要比多7000幾佢地!!! 我駛咩再比你呢間公司做呀!!! 我做咩仲要搵你地!!!

我D fd講得啱!!! 佢地擺明食我!!! 仲食得有D過份!!! 5成!!! 就算我再比錢搵返佢地,到時都唔會影得開心!!!

7000幾係出面都可以搵到,質數分分鍾好過佢地好多!!!

呢11380元,就當係掉左!!! (我男友話下次再掉個陣記得叫佢執!!! 真係想一巴打C佢!!!!!!)

所以第2日就打左電話比個攝影師,我話我地唔會用你地嘞!!! 佢話佢會通知佢地公司!!! (問都無問我點解!!!) 我話過幾日我會去拎返D細個相!!!

昨晚又諗返起呢件事!!! 大拿拿成萬元!!! 都真係幾赤!!! 而且個女人個D態度!!!!!!!! 真係想係12月13日叫佢地照入黎,係我屋企,影足11個鐘!!! 影咩都好!!! 之後要照整返本相簿同隻DVD比我呀!!!!!!!!!!!!!!!!!!!!!!

------------------------------------------------------------------------------------------------------------------

諗諗吓,其實都真係唔係歐陸婚紗攝影既問題,我真係怪錯佢地!!!

如果佢無條件比我hold期既係人情,唔比我hold既係道理!!!! 扣我地錢係超正常!!! 正常到不得了!!!!

唔正常既係我地另外幫襯個D公司,包括:2間租車公司-Andy既倫敦的士,兄弟搵個3部旅遊巴,2個化妝-蒙娜麗紗既Lilian,純美新娘既Kaki,3間租衫-冠南華,Princess,Mode,花球既Trinice Flowers,梁嘉祐,陳佩玉律師行,當然仲有明星海鮮酒家啦~~

佢地全部都唔正常,全部都有問題!!! 佢地全部都無條件咁比我地Hold期,真係超低能!!! (不過我地就係鍾意呢D超低能公司!!! 因為我地都係超低能既人!!! 真係非常非常多謝同感激你地!!! 到時派利是我地會識做嫁嘞!!! 派都派得開心同豪爽D呀!!!)