結婚~相簿之Cover Designs~開心篇之一

雖然好唔得閒~ 但點都要寫吓呢幾篇開心blog先得~  而且呢幾日連續發生好多開心既事~  真係要好好記底先得~

真係好開心~ 攪到我覺得自己無啦啦好幸福唷~~呵呵  (或者對大家黎講係無聊野... 不過~對我黎講~已經可以開心好耐嘞~ )

第一篇既開心Blog~~係呢樣---相簿既Cover Designs~ (當然唔係ML個本啦~ )

呢個係大相簿既封面~  (我同男友都唔覺得花~ )

本來都唔知個封面點整ga...

我就諗住用亞jackSee Sweet Albums - 思維相簿公司個到有一本係好多張相擺埋一齊,整左個心形出黎個款既~ (其實我當初就係睇中佢呢個封面~ )

不過我男友話d相會細張左,睇唔到喎~~ 所以就要諗過第二d封面~

跟住又比我見到亞jack個到有本係9個格有9張人頭相既~ 咁就啱哂我同男友既要求啦~~

我想要好多張相~~ 佢想要睇得清楚我地個樣~~ good~~

點知~~ 仲有樣野更加good~

因為我地都揀左好多張去做呢本Designs既相簿~ 咁啱以下右手邊呢張相又唔啱入去內頁既設計~ 咁啱呢張相既左手邊係船同天空既景~ 咁啱我地又整9張相既封面~

咁我就同亞jack講我既意思,就係想好似以下呢個面咁~~

出黎個效果亞jack問我會唔會好花~

我話唔會呀~ 我第一眼睇落去已經笑左出黎~~ 好開心呀~好靚呀~  我男友都好鍾意呀~

開頭亞jack叫我地揀,睇吓鍾意邊幾張做封面~ 不過~~ 因為近排真係忙左少少... 咁就叫亞jack幫忙,幫我地揀同決定啦~~(當然~如果唔鍾意,一定可以更改啦~)

點知~~ 真係開心到我呢~~~  

呢d就我地想要既野呀~~

簡直係愛c佢呀~~  (不過只係見過亞jack一次咋喎...)

越睇真係越鍾意~ 唔知出黎既效果係點呢??

應該今個星期尾就有貨嘞~~ 真係好快~~

駛咩等成4個月呢~~

價錢又抵喎~~ 又有好多野送喎~  (不過亞jack叫我唔好同人講送左d咩喎...  但係我真係好想分享比大家知囉~)

呢個就係本迷你相簿既Designs 嘞~~

開頭亞jack又係叫我自己揀相做個底~~ 不過~~ 佢好快手已經幫我整好左個樣板比我睇~~  又係一睇就ok啦~~ Yeah~ 真係好好好開心~