網誌分類：珊記廚房 |
圖片
網誌日期：2008-11-02 22:54
由於早排個焗爐壞左，所以一路都想搵D蒸o既蛋糕或者飽點整下。有次無意中o係網上見到呢個馬拉糕食譜好似幾易整，所以一路都想搵個機會試整下﹗
終於有機會喇﹗因為今日約左西環之友去西貢BBQ，我地又諗住幫未來韓太預祝生日，所以經我地商量後，就諗住整呢個馬拉糕充當生日蛋糕，因為貪佢唔使雪住又唔怕會溶嘛﹗
為免失禮街坊，事前都係整一次先，所以星期五晚預習左一次，都整得幾似，為一係顏色淺色o左D，可能我唔係用黑蔗糖啦，但都算幾成功﹗唔錯唔錯﹗
史大人品評︰“mm....好味....但點解D顏色都唔似馬拉糕o既......似雞蛋糕多D喎﹗.....拎多舊黎食下.....呀........﹗”
成功左之後，就更有信心做另外一個“中式生日蛋糕”出去見街坊喇﹗過程一切順利，好快就蒸好o左﹗
可惜，D字我越寫越樣衰，不過好過白雪雪，乜都冇丫﹗不過我知西環之友唔會介意o既﹗最緊要份心意嘛........嘻嘻﹗
20090407221.jpg
20090407220.jpg
20090407215.jpg
右騰小姐 2008-11-06 23:38
Fanny@Shan2008-11-07 10:04
唔一定要生日o既.....總有機會
瘋雲大師 2008-11-03 17:15
睇黎我要向你拜師啦! 但..........我無也$$,話哂一場'新式'(親戚),又係長輩(平時唔認架,緊急關頭..........)
我都好想學煮野食呀!
Fanny@Shan2008-11-03 23:35
我邊有資格教人呀....想笑大人地個口咩﹗
大家一齊研究研究啦﹗
Pekkle 鴨鴨 2008-11-03 14:25
蒸馬拉糕我都整過呀, 都係好淺色咁, 唔似出面酒樓咁深色! 不過我隻佬唔多欣賞.......!
Fanny@Shan2008-11-03 14:27
MEME1314 2008-11-03 10:16
Fanny@Shan2008-11-03 10:53
如果去飲茶，都係食返酒樓D馬拉糕好D喎﹗費事小毛見大毛啦.....失禮死﹗