MICHAEL JACKSON 1958-2009

6月26日收到MICHAEL JACKSON米高積遜離世消息。對MJ沒算得上特別喜歡，不過MJ是80`S的標誌人物，本大爺成長於80`S，成長路上怎會沒MJ份呢？MJ自80`S爆紅後到今天，他的歌總會記起就懂唱（最愛深夜聽他的ONE DAY IN YOUR LIFE），他的做型每個也經典（最正是THRILLER喪屍跳舞做型、還有吊腳黑褲白襪黑鞋跳MOONWALK）、他突破框框的影像悅目MV（當年香港維他奶、白花油廣告都抄！）、他的獨門自創MOONWALK舞步，今時今日全世界的舞者也在模仿複製，MJ實在是先鋒（同樣反眏着今天，全世界的舞者也缺乏創意！）！擁有全球累積賣出超過一億張的大碟''THRILLER''，能在全地球做到THE KING OF POP，這至高無上的稱號，MJ實至名歸！
除了MJ異於常人的私生活、他留在世上的都是偉大的！所以有必要對MJ至一個敬！也特地將一堆新舊MJ玩具列陣出來，給各MJ迷懷緬一吓！



近年才推出的BAD同THRILLER搪膠！THRILLER搪膠更分喪屍版同MJ版，喪屍版更有特别夜光版！



這SET經典80`S MJ FIGURE，由INCREDIBLE 嘅主腦KEITH所擁有，分別有BEAT IT、THRILLER、AMERICAN MUSIC AWARDS月GRAMMY AWARDS四個經典做型！絕版貨超難入手！盒上寫明SUPERSTAR OF THE 80`S，話到明俾你知MJ有幾勁！



我們香港HOT TOYS出品的高質MJ 12 吋FIGURE，是BILLIE JEAN造型！亦是近年才推出的MJ FIGURE。現在回看上面的M,J搪膠和MJ 12 吋，均是這一兩年才出品的，在MJ宣佈復出演唱會之時，這些FIGURE的角式意義是預告及期待。但相對MJ走了，這些FIGURE的角式意義就變成了致敬與懐念吧！



最后一個本大爺深刻的MJ回憶，是來自MJ 1988的電影MOONWALKER，電影裡面其中一首主打歌SMOOTH CRIMINAL，被當年的軟硬天師在節目環節''地下天師流行榜''改詞翻唱！真係笑到痴線！有幾多人記得？節錄當年部份內容！
林海峰聲演好鍾意自己把聲的數榜DJ講嘢: 「第一位！（背景一路播住''SMOOTH CRIMINAL''嘅INTO，軟硬在扮米高不斷怪叫！吖！）寶刀未老！黑鬼、女人型、鍾意埋啲動物古古怪怪，冇佢好死呀呢啲咁嘅人真係！仍然可以高剧第一位，米高即勝呀！電影主題曲''SMOOTH CRIMINAL''，由邊個填詞？鬼佬填詞！本地人主唱唔該！..........入歌！」
我發覺你重未交租，你個哀公，夠膽咁嘈！吖吖！
你嘅態度令我猛掙，你講英文，我講法文！吖吖！
你要吔住個梯煲，你吔鬆糕，我掙你兩毫！吖吖！
着褲着到穿窿，又要批掙，心口有毛！吖吖！
成年唔返屋企，唔返屋企！你有冇屋企ANY？
成年唔返屋企，唔返屋企！你有冇屋企ANY？
成年唔返屋企，唔返屋企！你有冇屋企ANY？
成年唔返屋企，唔返屋企！你有冇屋企ANY？
ANY你返屋企，着番對襪，你要CALL我ANY！
你啲衫响我呢度，咪鬼走住，你要帶住把刀！
你咪留咗隻絲襪，認真好臭，仲有花邊ANY！
點解响屋企冇路，你個哀公，認真好嘈ANY！
成年唔返屋企，唔返屋企！你有冇屋企ANY？
成年唔返屋企，唔返屋企！你有冇屋企ANY？
成年唔返屋企，唔返屋企！你有冇屋企ANY？
成年唔返屋企，唔返屋企！你有冇屋企ANY？..........
播完歌，林海峰聲演好鍾意自己把聲的數榜DJ又出嚟講嘢:「''你有冇屋企ANY''，由女性荷爾蒙過多嘅男歌手主唱，米高即勝，佔今期地下天師流行榜第一位！」