四個冬菇頭女子70`S GARAGE歌謠樂隊''キノコホテルKINOKO HOTEL''

近期終於與''麥DON鴻決戰香港大時代''部落格嘅DON兄相會，兩條友一走埋，就口水唔停講大家都瘋狂鍾情嘅70`S港產電影，本大爺仲講到癮起，返屋企狂煲60`S尾70`S頭港產電影，大部份這個年代色彩最多片嘅都應該係邵氏啲戲啦！就咁，搞到本大爺呢期中晒60`S尾70`S頭毒，重走去睇埋套上年响日本上眏嘅六七十風樂隊電影，由栗山千明主演嘅''ＧＳワンダーランド ''，中譯名叫''GS樂園''，之後本大爺會詳盡介紹此片。跟住手重摷番啲六七十風音樂、樂隊嚟聽！成個人滿腦都係六七十年代。
就咁，响網上亂打亂撞，揾到呢隊組成兩年，由四個梳冬菇頭日本少女組成嘅獨立樂隊''キノコホテルKINOKO HOTEL''，固名思義佢哋係玩GARAGE車庫搖滾風挌的，但睇同聽真啲佢哋嘅音樂，其實慘出不少六七十風GS(六十尾日本稱此類音樂為GROUP SOUND，簡稱GS)氣氛，由做型到唱片、什至宣傳海報及ON SHOW的演出方式、唱腔，都徹底地重現少六七十風GS日本歌謠STYLE！而且彈奏技術都十分好，絕對令人眼前一亮，重四個成員都咁靚女，有晒DRESS CODE，迅間令本大爺迷到了！
响呢個科技年代，怱然有樂隊玩起這種懷舊風，都不失為新鮮有趣之音樂形態！况且响日本呢個有趣國家，保留住不少世界次文化，可謂什麽STYLE BACKGROUND的音樂形態都存在着，形成一個十分有趣味的樂隊世界！亦是本大爺喜歡這十年間的日本搖滾比歐美搖滾還多的原因！(日本搖滾並不是J ROCK，J ROCK亦並不是日本搖滾的代號。)



所有''キノコホテルKINOKO HOTEL''嘅宣傳照及AD都六七十迷幻風到暈，十分好FEEL、又有型到震，簡直充滿魅力！絕對重現當年音樂、文化及美學形態。



由於''キノコホテルKINOKO HOTEL''出道時間短淺，知名度也不高，所以她們的唱片也十分罕少及難於入手，只有在她們响日本演出時才有機會購入。
上面是2009年2月発売嘅DVD『キノコホテルの夜明け～初期実演会』，係唯一重可以响日本各唱片店輕易入手嘅''キノコホテルKINOKO HOTEL''作品！
而下面呢隻封面咁靚、咁迷幻六七十風嘅''キノコホテルKINOKO HOTEL''CD，就已經是絕版貨，本大爺想要都冇晒計！



''キノコホテルKINOKO HOTEL''四位美女成員
VOCAL & ELECTLIC ORGAN： Marianne Shinonome マリアンヌ東雲（酒店經理） ○ ELECTLIC GUITAR：Isabel Keme Kamogawa イザベル＝ケメ鴨川  ○ ELECTLIC BASS：Emanuel Kominato エマニュエル小湊（酒店秘書） ○  DRUMS：Fabianne Inawashiro ファビエンヌ猪苗代




美女玩搖滾，組樂隊！永遠也有種講不出的野性魅力，十分吸引誘惑！''キノコホテルKINOKO HOTEL''就絕對有這種迷人的力量！


''キノコホテルKINOKO HOTEL''嘅官方網頁 kinocohotel.web.fc2.com/
''キノコホテルKINOKO HOTEL''嘅MYSPACE www.myspace.com/kinocohotel
其實''キノコホテルKINOKO HOTEL''嘅突出做型，己被由爆笑二人組TUNNELS木梨憲武、石橋貴明及氣志團主唱綾小路翔組成之攪笑男扮女組合''矢島美容室''邀請為MV客串演出 www.youtube.com/watch?v=1sjy3coYyUg&feature=fvw

要睇''キノコホテルKINOKO HOTEL''真正嘅演出，下面就送上幾首''キノコホテルKINOKO HOTEL''嘅官方YOUTUBE LIVE及宣傳短片，睇吓''キノコホテルKINOKO HOTEL''有幾咁六七十風，幾咁好聽幾咁正！