一個不愉快的公告

喜歡寫blog是近半年的事, 看見自己個blog越嚟越靚, 真係好有滿足感!

於是我四處找尋美化blog的素材, 亦不吝嗇的和其他blogger分享, 只要他(她)能正確引用或者帶走我個logo都可以~

因為咁令到我識到唔少blogger, 真係好開心!

只是近日不斷有一個叫kitty嘅blogger成日將我有關素材嘅網誌(不是一篇是十幾篇)copy然後paste喺自己個blog到, 有時會留言話引用就算, 有時甚至無~話過佢就有時有帶logo, 有時無, 真係好討厭!

我俾佢攪到我都無心機再去搵素材, 未來嘅日子有關網誌素材嘅blog都會只限我的blog友才可以看, 真係好對唔住其他嘅blogger(怪就怪這個blogger吧!).......

我會盡量add番已add我做blog友嘅朋友做"我的blog友", 如有遺漏請在回應欄通知我(不要在留言板)~

如有其他blogger想睇(可能都無), 亦可以告訴我, 我會考慮.......

這樣的安排我都唔知會唔會只係暫時, 這要看這個blogger會唔會糾正番啲網誌同會唔會再犯, 我都唔想咁樣, 我知會少咗好多人瀏覽我個blog, 不過任由呢位blogger咁樣就只會令到我更加唔開心, 請各位見諒..........

正確引用別人網誌文章的方法:

http://help.cc.hk.yahoo.com/frame_sub_category.html?prodid=9&catyname=我想寫Blog&funclass=我想寫Blog&id=605

後記:

嗰位blogger已經同我道歉亦喺有關網誌上加番引用/logo, 件事總算過去了

不過我嘅陰影仍在, 而且琴日喺我篩選blog友嘅時候, 發現有兩個blog出現咗我自己整送俾我一個blog友嘅圖(用私人回應送), 同我個blog友confirm之後, 証實應該我唔知點解俾人偷咗, 我真係好震驚, 所以上述嘅安排暫時仍生效, 敬請原諒~