難忘事

活了大半生昨日終於讓我首次經歷一件可能你一生都未曾經歷過的事!

話說昨日早晨媽和珍在外吃完早餐後順道在<百@>廣場買了菜芯回家. 正當我和媽在廳中閒談, 忽聞廚房傳出尖叫聲 : "哎呀......有蟲啊.....!" 聲音未落已見珍從廚房連跑帶跳出廳. 我笑著說 : "有蟲就唔好要啲菜啦!" 但媽緊接答 : "咩唔要啊! 有蟲先無農藥啊!" 然後媽進入廚房,準備大顯大身手處理啲菜. 珍跟住進去.  

正當我以為事情已處理妥當, 再次聽見珍邊跑邊叫 : "我唔要啊.......!我唔要啊.....!好大條蟲係水度游緊水!我唔要啊......!就算你煮咗, 我都唔會食!掉咗佢! 掉咗佢!" 我亦接著說 : "係啊.....!係啊......!我都係咁話!唔好要啦, 掉咗佢!" 而媽就不慌不忙哋從廚房出來, 並伸出一隻手說 : "蟲之嗎! 駛咩驚! 你睇吓!" 並向我走近.......

可惡的珍早已一支箭將自己反銷入房內! 面對著媽逐步哋迫近, 可憐的我只懂尖叫 : "啊.......!啊.......!" 就在這刻.......不可思議的事發生了, 我.....嚇到瀨尿...... ! 更可惡的是媽若無其事哋笑著轉身 : "菜蟲之嗎! 咁都驚成咁! he....he......he......." 繼而進入廚房!

一個經常受人欺負既善良女子; 一個走得快好世界既女子及一個嚇完人之後he....he....笑既活寶貝, 重有一個當時不在場的人(就算在場都係一路睇一路笑), 大家認為我屋企呢個組合係唔係愛生事家庭既 copy呢?