村屋

最近做村屋盤
有雙連三樓..即係700尺x2=1400尺屋..再加天台700x2=1400尺花園天台...正到痺...仲要係全區只此一間絕無第二個雙連單位..我睇..好快會賣出

另一個就豪裝上覆式村屋..真係全屋英國電線..澳洲銅喉
兩層即係700x2..加個700尺天台..今日個客睇到流晒口水..應該好快收票了

至於我最愛的世外桃源...花園過千尺..花園放了玻璃餐枱..玻璃之下是金魚缸
在你吃飯時..可欣賞魚魚暢泳..果種感覺..好舒服..
我最鐘意係..主人在花園內建了一個有木圍欄的狗廁所..而廁所之下係化糞池
連這點也咁重視..狗狗住得舒適..主人與工人也少了善後之工作
花園除種了棕梠樹.還有鞦韆..四周無其它屋連著...小橋流水加魚池..別具一格
屋主還做足防範..加了夜視cctv..自動感光射燈..防盜感應等等裝置
全屋只有三人住..加埋工人姐姐總共四個..自己住唔晒..想租地下比有心人..

除此之外..仲有天璽..君臨天下...唉..點解咁多有錢人架..千幾萬買層樓..真有米

睇左咁多新舊樓宇..村屋..突然覺得自己屋企好核突...救命!!!..我自痺感又發作