東京賞櫻之旅 DAY 4 30-03-2009 Part 1

來到旅程的第四天, 今天起身時發現天色唔係太好, 好似係想下雨, 都係有小小唔開心, 始終去旅行遇著下雨感覺都唔係太好。

天氣無法預計及改變, 旅程依然要繼續。今天所安排的行程, 頭站會去吉祥寺, 之後就係原宿, 表參道及台場。

一出酒店往新宿站途中, 就俾我地見到一隻好大既烏鴉。其實之前都已經見過, 不過一佢地一係在天上飛, 一係在電線上企, 好少會停留係咁低既地方, 所以就同佢黎張大頭相先。成身黑漆漆, 兇神惡"殺"個樣都幾得意下。

今天的早餐有點兒特別, 因我們所食的是日式早餐, 套餐內包一個飯團, 一碗湯及一個前菜, 三樣都係自選, 有好多選擇。係日本呢類型既早餐等於香港食麵包咁, 方便及輕盈, 所以有好多人幫襯, 要排隊架, 不過堂食就好小, 所以好多位。

食完早餐, 按計劃本來要去吉祥寺既三鷹之森, 但因為時間徜早, 所以臨時加插自由時間一小時, 女子組就梗係行地下街啦, 但我呢個為食鬼, 無理由同佢地一齊行街街架, 所以就自己一條友去了站旁既高島屋百貨行,  下面個食品部仲有好多野食添, 雖然食完早餐無耐, 但係都要掃番一輪先走, 當然, 我都唔係自私既人, 有部份外賣俾女子組食架。

又再一次證實, 女士既購買慾係會戰勝一切, 明明講好一小時站口等, 竟然可以遲了足足半小時先到。無野做, 咪影下相先, 打發下時間。

齊人後, 就往三鷹站進發。在新宿, 只要乘中央線坐九個站就可以到達三鷹站。

車頭可以睇到出面既環境。

好快就到了三鷹站。其實去三鷹之森美術館有兩個方法, 一係由三鷹站搭美術館專車(有料)前往, 其次係由吉祥寺站行過去, 因之前睇過地圖, 發覺路程都唔近, 所以選擇搭車。

三鷹相對冇吉祥寺咁繁榮, 雖然只係差一個站, 但感覺就差好遠。

要坐車去三鷹之森美術館, 有一架車可以去到, 就在三鷹站出口附近。它是有兩款車的, 一輪是紅色, 好普通, 無公仔, 而另一架係黃色, 貼滿龍貓公仔, 好似一間貓巴士咁。而當我地去到時, 是一輛紅色的, 雖然內裡完全一樣, 但我地都決定等下一架巴士, 因為特別小小, 又可以影下相。

認住呢個鐘就可以搵到巴士站, 順帶一提, 唔好睇成架巴士都係公仔, 以為係美術館專車, 這是錯的, 因為呢架車只係途經美術館既循環線, 而唔係點到點, 所以要記住按鐘仔落車, 如果唔係就飛站架啦。其次係車票只可以在三鷹站買, 亦即是要在三鷹站頭決定買單程或來回, 在美術館是冇車票賣的。單程200yen而來回就300yen, 回程車站在下車的車站對面馬路上, 好易搵。最後我地決定買來回票, 唔想行。

車來了, 係咪好貓巴士feel呢。日本的巴士好特別, 可能見慣香港巴士, 所以見到他們的巴士, 感覺上似小巴多過巴士, 細細部, 好趣致。

上到車好彩排頭位, 如果唔係都有機會無得坐, 因為車仔細所以位都少。沿途見到好多櫻花樹, 真開心。仲見有人拎住賣樓既紙牌。

原來係三鷹之森既隔離, 就係井之頭公園, 或者, 可以咁講, 三鷹之森是在井之頭公園之內。

見到側門啦, 好多人影緊相。大家走既時候記住用側門走, 因為有一隻超大既龍貓歡送你架(淺啡色建築物內, 隔住塊玻璃窗)。

到達, 落車, 影下車頭先。

影完車頭, 整多個側身先。

因為入到入面係唔可以影相, 所以就盡可能都在外面影。這個公仔在花盤的入面, 行過唔為意真係睇唔到。知唔知係邊套卡通片呢, 不過估中無獎。

呢過又記唔記得呀, 有部份網友仲去過添。

大門口, 一入去就無得影(室內), 所以只可以在外面影番。張入場卷好鬼意, 是一張菲林膠片, 有一個公仔係入面, 睇下你好唔好彩抽中邊個啦。入埸卷可以在香港的日航天地買定, 不過要指定買邊日。 

好得意既作品, 唔知既仲以為係一張椅。

呢個在天台上的公仔, 睇怕無人唔識啦。佢好鬼死高架, 差唔多層半樓咁上下啦。

旋轉樓梯頂有一支旗, 當然係三鷹之森既LOGO啦。

上天台的旋轉樓梯。因為得一條, 上又係佢, 落又係佢, 又唔係闊, 好似我咁大隻既一個已經霸曬, 無位俾其他人行, 所以如果人多都幾煩。

入面樓高三層, 分開唔同既展區。大堂樓低有三層高, 天花板係玻璃窗, 可以直接透光入大堂。入面有一間精品店, 有好多只有這裡才有, 印了三鷹之森的限量版精品。三樓有一隻超大既貓巴士毛公仔, 可以俾十幾個小朋友坐入去同爬上爬落, 當然, 有人睇住只偽俾小朋友玩, 大人, 睇下就得既, 玩就。

地下露天公園有一個水井, 真係可以打水架。

幾多小朋友爭住玩。不過唔好話佢地, 我都打左幾次水。嘻嘻!

有好多煤炭屎鬼係洞內。

有一個小花園, 唔知化表乜啦, 同邊套戲有關呢?

行到肚餓可以去橙色既小食亭買野食。

行到咁上下, 就番入去睇場卡通片先。因為入面有一間小型放映室, 放映一套在外面沒有的卡通片。要睇就要排隊入去, 每場大約一百個位, 片長十五分鐘。

睇完片就走人啦, 當然係去側門影埋隻龍貓先啦。睇下幅檣, 再遲下可能已經舖滿草啦。