金碌碌校服公司

金碌碌校服公司歷史悠久，

打從小雨小學時已知道，

佢都算係校服公司之中嘅大行。

雖然KK已六年班，

為免佢着吊腳褲返學，

都係交由金碌碌為佢"度身訂造"，

家姐間中學灰長褲只要七十幾蚊，

金碌碌最貴要一百零幾蚊，

算啦，唔得閒，費時煩；

點知金碌碌話KK有42吋長腿！？？？？？

唔係掛，我同佢都差唔多，

有42吋長腿小雨一早去咗行catwalk啦！

於是金碌碌將原先最貴七十幾蚊嘅運動褲加到一百一十四蚊，

灰長褲就由最貴嘅一百零幾蚊加到一百八十幾，

運動褲加咗卅蚊，灰褲加多八十幾蚊，

有冇咁誇張呀？！

點知攞褲時，金碌碌收咗錢，

俾個吉膠袋KK拎返屋企，

只係講低未做好，盡快，

咁你又收人錢？！係一手交貨一手交錢架麻！

至於細花訂嘅運動套裝，

原本金碌碌標準小一至小六分十個碼，

打開套衫KK就話：乜亞妹件衫咁似四、五年班着嘅？

......細花居然要着到第八個碼，

收費比最大嘅一套只係少三蚊，

唔係掛，細花小一咋，

最大個碼係小六架，

雖然話要預大小小，

都唔駛咁多啦，

以金碌碌Ｄ料頂多捱到出年，

仲兩年都要衣不稱身......；

無論小朋友褲頭勒住個胃，

定係褲腳學亞拉丁，

都係有損健康同有礙觀瞻架啦！

金碌碌......你好pro呀！

小雨希望校方留意吓佢哋嘅校服供應商，

仲有少少想去消委會投訴佢，

做家長真慘，

年年都俾書商同校服商夾攻！