網誌分類：未分類 |
藍弈邦的調情
驚唔記得左, 所以寫左先....
今朝發夢, 望見藍弈邦用好冧既眼神望住我, 然後好溫柔咁同我講: "妳好sweet呀, 又party look喎~"
然後仲咀左埋黎....太震撼啦~!!!
醒既時候原來自己錫住張被, haha, 雖然只係發夢, 但係都極之開心(好似好衰咁, 老公唔好嬲下~~~~)
我諗我係睇"巨聲"睇得太多je~~~hehe~~~
同感
剛剛看完一個舊同事的日記, 看到她對一些新聞的感受. 唔....很奇怪, 以前一齊共事的時候, 曾經因為某些事令我不很認同這位舊同事. 但自從離開公司以後, 很多時當我看她的日記時, 我都覺得好有同感, 覺得佢講既就正係我想講既, 真係好得意.
例如:
"為甚麼今天的香港人會這樣沒有自信?
為甚麼今天的香港人會這麼多怨氣, 要發洩在投訴和高空擲物, 擲漒水上?
為甚麼今天的香港人會常和其他地方的人比較(不論是身家, 還是主題公園)?
為甚麼今天的香港人只有"現在"和"過去", 沒有"將來"??
為甚麼今天的香港人會這樣??
是我們輸不起嗎? 是我們不願改進, 只願回顧以前風光日子嗎??"
公司 & 工作
前排好一段時間覺得好悶, 覺得公司唔好, 同事唔好, 工作乏味; 原來呢D只係我係度鑽牛角尖既諗法. 退一步, 眼睇到既就會多左. 公司一路都好照顧D員工, D同事都好NICE, 成日約我食飯, SUPER有時又會車我返深水埗, DORIS有咩都預埋我. 至於工作, 雖則未算日理萬機, 見識廣博, 但總有D地方令我可以進步既. 好啦, 玩多陣, 唔好諗咁多野住啦.
難題
由細到大, 我都好聽爸爸媽媽話, 好孝順, 盡量做D令佢地開心既事, 例如: 年年考第一, 讀緊書既時候唔出夜街, 唔拍拖, 出黎做野就盡量俾多D家用, 多D陪佢地食飯......等等.
結左婚之後, 相信最令爸媽開心既就係我生個孫俾佢地玩. 我知, 我收到, 我睇住媽咪一路等, 一路恨住人地不斷出世既BB果種心情, 我都好想生個俾佢. 我一路以來既顧慮係咪多餘呢? 生出黎係咪未必湊唔掂呢? 佢係咪唔會學壞呢? 我係咪仲可以做自己鍾意既野呢? 我仲係未有一定既答案.....
