遲來的遊記

返左黎個幾禮拜, 而家終於都有時間寫返我既台灣之旅喇~~

連埋去之前請左兩日假, 我一共放左八日, 我好耐冇試過咁樣放假喇, 實在太唔捨得呢個假期~~~~~~

三月八日搭港龍航空大約兩點到達台灣桃園機場. 入境櫃檯個嬸嬸海關望一望我本passport, 望一望我個樣, 然後用國語同我講左句: "你那時候胖了一點吧~~". 噢~~頂呀~~事實唔好攞出黎講ma~~搞到我唔知點應佢好~~  入左境, 我地就坐國光旅遊巴士去台北車站. 去到台北車站, 我地買左張悠遊卡, 搭捷運去到中正紀念堂站, 手機響左, 新新娘打黎, 原來我地已經過左約定既時間, 所以唔去check-in, 直接過去新新娘先.  一踏進新新娘, 裡面的人都很熱情和親切地招呼我地, 奉茶, 幫我們擺放行李咁. 跟著就係揀衫, 試衫, 同揀外景. 我揀左一條蛋糕白紗,一條A字白紗, 一條單肩粉紅晚裝, 一條藍色公主裙, 同埋一件旗袍. 搞掂哂, 經理見我地帶住行李,於是叫人開車送我地返酒店,真好人^^ 酒店其實都好近, check-in左之後, 就去左食永康牛肉麵~~ 超好味耶~~ 食完係附近買定第二朝既早餐, 返酒店拿拿臨洗頭沖涼訓覺, 抖足精神準備第二朝一早起身去影靚相.

三月九日6:30am起身, 好早耶~~ 九萬幾年前試過, 一直到而家都未試過耶~~ 比約定時間早左5分鐘到左新新娘. 7:30am好準時有人黎幫我set頭化妝, 搞左兩粒鐘左右, 一個好靚既我終於出黎喇~~ hehe~~第一站: 前中正紀念堂. 攝影師danny好專業咁教我地擺pose, 而我亦好有信心呢批相會影得唔錯既. 影完返新新娘換衫轉妝, 然後出車去第二站既淡水一個農莊, 同第三站既一個沙灘. 由於路程較遠, 所以在車子上睡著了. 到了下午差不多兩三點左右, 外景拍完, 跟車子回新新娘, wow!! 有新鮮好味既豬排飯便當等著我們呢^^ 吃過飯, 又換衫轉妝, 到樓上的studio拍攝餘下的兩輯相. 六點左右, 攝影師說我們最後那張相笑得最燦爛~~ 哈哈, 梗係啦~~ 影左成日終於影完可以休息wor~~ 之後落妝和交帶了第二天的安排後, 我們便回酒店洗臉洗頭, 歇歇再出去吃晚飯. 晚飯到了經理介紹的"杭州小籠湯包", 好味耶~~ 又冇鼎泰豐咁貴bor~~

三月十日睡過午, 因為之前果日太累了. 午飯去了永康街的"喫飯飯堂", 食宜蘭菜的, 超好味耶~~ 最鍾意個蒜泥蚵仔~~正! 食食下,發生左個小插曲, 就係大廈電力維修, 我地要摸黑食飯十五分鐘, 哈哈, 真係唔知自己食緊d咩喇~~~ wa~~ 落雨tim~~ 好彩影左相ja~~ 唔係就大檸樂喇~~~  食完野, 到金石堂書局逛逛兼避雨. 之後就去左我欽點既冰館食刨冰, 好好味呀~~~~ 不過露天坐位又下著雨之下食冰, 有一點點寒~ 之後都係食, 今次食蝦仁肉丸, 好味啊~~ 差唔多四點就行去新新娘, 揀相~~ 嘩, d 相張張都影到我咁靚, 都唔知點揀好, 嘻嘻~~ 好不容易揀哂所有野, 包括大油畫連晝框, 簽名卷, 謝卡, 大相簿, 中相簿, 細相簿. 好期待製成品耶~~ 夜晚, 我地去左台北六大夜市之一既師大夜市, 繼續吃吃吃之旅~~ 雖然落毛毛雨, 但都不減遊人既興志, 好熱鬧呀. 我地係咁食係咁食: 鹽酥雞, 生煎包, 潤餅捲, 苦瓜汁, 粉圓冰, 炸雞排... 全部都好好味耶~~~ 夜晚飽得滯訓唔著tim~

三月十一日又係睡過午. 呢日去西門町同淡水,仲有士林夜市. 去到西門町, 食左markmark好想去試下既鴨肉扁, 我就覺得比上一次黎食既時候遜色左d. 食完行過買左杯楊桃冰, 好得意呀, 酸酸味味咁~~ 再行左紅樓劇場. 果風小鋪, animate. 肚餓了又再食: mister donut, 魷魚羹, 阿宗麵線, 好味好味~~ 去到淡水, 趕唔到睇日落lu, 唯有沿淡水老街周圍行下啦~~ 去左呢個魚丸博物館, 雖然唔係好大, 但d野都幾得意bor, 認識左淡水既漁業發展咁樣. 係度冇乜點食野, 只係飲左杯酸梅湯, 因為要留肚去士林重搥出擊!!! wow, 士林好大好多野食好多野行, 真係花多眼亂~~~ 本著不停食既信念, 我地征服左: 河粉煎, 胡椒包, 士多啤梨冰糖葫蘆兩串, 臭豆腐, 豪大大雞排, 關東煮同埋酸梅冰. 畢竟, 人既胃係有限既~~ 為左趕上尾班捷運都係走為上著lu~~

三月十二日去左南京東路站區的袖珍博物館, 值得一提既係去之前食左subway既牛扒漢堡, 牛扒超juicy, 蕃茄, 生菜好新鮮, 醬汁勁好味, 成個包好味過麥記個至尊漢堡二十倍~~~!!! 袖珍博物館入面有好多細小既模型屋展出, 我最鍾意睇d模型屋既屋內擺設, 好精細呀, 我一路睇一路幻想自己住左入去, 哈哈~~ 逐間睇, 好似睇左兩三個鐘左右, 之後又係袖珍博物館既紀念品店磨左粒幾鐘, 最後揀左少少心愛既模型玩意俾自己, 好開心~~ 之後就去附近一間叫"神牛"既"吃到飽", "吃到飽"係台灣都幾流行, 街頭巷尾總有一家. 所謂"吃到飽", 即是"任點任食". 這家有小小特別, 佢提供既係炭爐燒烤, 咩都有得燒: 霜降牛肉, 五花羊肉, 煙肉, 豬腩肉, 雞肉, 大蝦, 扇貝, 魷魚, 多春魚, 蜆仔, 鮮冬菇, 金菇, 青椒, 日本年糕, 綿花糖, 仲有汽水,雪糕任食. 真係唔止"吃到飽", 仲"飽到嘔", woohoo~~~

三月十三日, 這天要回香港了, 中午check-out及寄存好行李在酒店後, 就首先到就近既台灣民主紀念館(前中正紀念堂) 走走. 然後搭捷運到東區一帶逛逛.吃了非常有名既度小月做午餐, 真係好有風味同超好食呀!!!! 一百個讚!!! 再食埋東區粉圓, 就去信義區既誠品打躉, 到差唔多夠鐘就返酒店拎行李去機場lu~~ 同台灣say byebye既一刻真係好唔捨得....., 因為我知道.....台灣既美食我仲有好多未擠落肚ga!!!!!!!!