期待北海道之旅

經過一輪資料搜集, 我地終於鎖定目標景點喇^^.....就係....札幌, 小樽,  同 富良野.

由於我想睇燦爛既花田同花火大會, 所以我地計劃七月中旬至下旬出發^^

除此之外, 我對於富良野既好幾個工場, 例如芝士, 牛奶, 萄葡酒製品工埸等都好有興趣, 所以應該會係果度留耐少少, 咁就要諗下到時既交通同住宿問題喇.

北海道係唯一一個我好渴望到訪既地方, 所以今次我係比之前任何一次旅行之前更加雀躍同期待既, 真係好想快D到七月呀!!!!

另外, 今晚睇左無記收費台既<志雲飯局>訪問打算復出既阿嬌專訪, WELL....冇驚喜, 一D都唔好睇, 一D都滿足唔到我呢D八婆, 算~~ 其實應該一早預左佢唔似栢芝咁咩都敢講. 所以....MISS左節目既朋友仔唔需要失望囉.