繼續向夢想進發

繼續向夢想進發
話說俾爸爸媽媽彈完YOHO之後, 我已經冇係佢地面前再提過, 相反佢地就見我一次就講一次, 我而家已經背得好熟喇, 例如: "你點解咁冇眼光架??", "你睇我地呢度幾好用!! 元朗果度擺多幾件傢私都行唔過喇!!!", "元朗果度你真係諗都唔好諗喇!!!!", "你淨係貪人地有會所, 我話你聽, 咁其實好唔實際架, 你估你有幾可用佢D設施呀???!!"......每次佢地都語帶激動....okok~~~咁唔鍾意咪唔買囉, 使唔使仲成日提住呀?

之後果個星期日, 爸爸搵經紀同我地睇左幾個盤, GUESS WHAT? 翠竹....仲要同爸爸媽媽一座. 由於由黃大仙搭上翠竹果程車九曲十三彎, 以前曾經有個送我返屋企既朋友同我講: "乜你屋企仲遠過我返粉嶺架??"......唔, 我已經住左係交通便捷既深水埗成年, 五分鐘落到地鐵站月台, 你估我仲會唔會考慮翠竹呀拿???!

黎緊我會去睇睇黃大仙, 鑽石山, 長沙灣以及荃灣一D大型屋苑, 希望可以搵到岩心水而爸媽又唔太討厭架啦.

尖東黑霸王
總覺得只有在電影中才能看到黑社會, 於是我總是很好奇想知道現實中的黑社會是不是和電影裡的一樣. 昨天看報紙, 終於俾我見到真正既黑社會, 說真的, 案中死者李泰龍, 新義安的頭目, 真的很靚仔, 很型仔, 有明星既風釆, 亦有黑社會既風範, 一行出黎就好有呼風喚雨既能力果種人. 可惜呀~~出得黎行就預左要還, 仇家多, 結果俾人亂刀狂斬, 死係血泊當中. ANYWAY, 死係香格里拉酒店門口也相當有氣派, 好襯~

總有一點點猶疑
有時候看FACEBOOK, 看見某某抱著初生嬰兒一副溫馨樣子, 某某大著肚子一副幸福模樣, 某某拖著幾歲兒子一副稱心滿意的臉容. 好像.....不錯.....但....總有一點擔心....要對成世GA MA.....驚佢病, 驚佢壞....總之好多野驚. 又可能某同事講親咩都離不開個仔, 好煩, 好悶, 我好驚我第時會變成咁~~~