當公司傳通告話2009-06-07至2009-06-08係"公益綠識日", 捐錢既同事會有兩張地鐵飛, 可以係呢兩日免費任搭港鐵, 東鐵, 西鐵, 輕鐵, ....etc. 咁醒目既我一早就做下善事之餘, 順便攞埋地鐵飛, 咁就可以係周年慶祝當日周圍去玩啦!!!
首先, 我地去九龍站既圓方睇左"血戰新世紀", 不嬲都幾鍾意全知賢既, 所以覺得套戲都幾好睇呀! 完場之後, 係戲院出面同d"未來戰士"機械人影相. 圓方都真係.....普通不過既shopping mall..., 行左一陣就搭去欣澳站轉搭廸士尼列車.
第一次搭, 感覺真係唔錯, 真係覺得佢帶緊你進入一個奇幻世界.
出去廸士尼站兜一兜, 睇一睇, 影影相, 時間所限, 所以冇入廸士尼樂園玩.
下一站, 東涌. 今日既主打 ---> 行outlet 同埋食buffet!
個outlet真係好大呀, 冇時間行哂, 只去左addidas, new balance, nike, IT, mirabell, timberland咁. 老公送左對波鞋俾我練馬拉松呀^^hehe, 好野!!
接著就去Novotel Hotel既Essence食buffet, 好得!繼Todai之後又一滿意之選^^
愉快既一天為這愉快既一年作一個紀念^^
想睇多d相, 可以登入facebook慢慢欣賞呀^^
