網誌分類：未分類 |
今日, 我地去左睇示範單位, 42樓, 居高臨下, 望到維港, 個VIEW好正. 又有露台, 我最鍾意間屋有露台架喇, 又連基本裝修同部分家具, 以用料同價錢黎講其實唔貴, 只可惜實用率太低, 硬係覺得迫迫夾夾咁.....
其實你今日帶我去睇下示範單位, 我已經好開心架喇, 好似細個果時媽媽帶我去廚窗睇玩具咁, 就算最終冇買, 我都係咁滿足^^
"早生貴子", "三年抱兩"....今個農曆年聽左好多LU~~~ 都係果句啦, 祝賀說話我照聽, 安全措施我照做~~~ 仲係百分百安全冇意外果隻, 哈哈哈!!!
點解要生BB喎~~~? 點解要攬個咁大既包袱上身喎~~~? 結婚都未夠一年, 俾人過下二人世界得唔得JE~~~? 過多幾年啦~~~ 或者突然間有一日我會好想做媽媽呢~~~
大家千其唔好俾我老爺果句"擴大家族"厄左喇, 其實結左婚之後, 老爺奶奶一句都冇催過我地, .....大家唔好入哂腦至得架!!!
話哂呢個都係一個LIFE-LONG 既CAREER, 唔可以一個唔鍾意就遞辭職信, 想型少少就俾一個月代通知金......, 唔係咁囉!!.... 所謂"養兒一百歲, 長憂九十九". 仲有, 假使我真係生左個B出黎, 我唔會貪佢得意, 同佢玩完就算; 我一定會俾最好最好既佢. 所以一定要有PLANNING. 俾D時間我地啦~~~各位親愛的, 好恨我地生仔既人~~~~
