網誌分類：未分類 |
從台灣回來以後......手提電話壞了, 電腦壞了, 忙於各大STAFF SALE中幫人買護膚品, 化妝品, 糧油食品, 遲到左第六次, 請左第一次SICK LEAVE.....
好耐都冇放過SICK LEAVE喇, 都有五六個月喇, 我諗係果日係科大海邊吹親啦, 之後就一直鼻塞鼻水輪住黎, 仲有咳, 今朝頭重重, 頂唔順喇, 於是就請左我份新工既第一次SICK LEAVE喇. 睇完醫生, 食左藥, 訓左幾粒鐘, 個人好似精神返D喇, 希望快D好返啦, 黎緊聖誕節有好多節目, 點可以病架!!
真係有咁耐風流就有咁耐折墮, 以前"每朝" "閒閒地"都遲45分鐘, 而家遲1分鐘都緊張到死, 冇計啦, 制度唔同. 不過, 返左將近五個月, 我既遲到累積總計都冇45分鐘, 仲多數早到兩三個字, 我算好大進步ga la~~
HEE HEE, 我買左SHISEIDO MAQUILLAGE 既聖誕新色俾自己做聖誕禮物, 好靚架!!! 出面賣三百幾, 公司買平一半, 好抵呀!!! 開心死^______^
唉, 點會手機同電腦一齊壞架??!!! 呢排洗左好多錢, 好窮呀, 你地偏偏係呢個時候蝦我, 我冇錢理你地呀>___<!!
剛剛係YAHOO新聞睇到倪震宣布已經同周慧敏申請結婚, 好事呀, 祝福你地!! 其實我對呢單新聞冇咩興趣, 好唔明點解可以做哂本本雜誌既封面. 車~ 倪震偷食有咩咁特別喎? 風流才子嘛, 偷食幾咁閒呢? D相又唔夠淫亂, 件"邪花"又唔夠索, 唯一比較特別既係周慧敏篇聲明, 文筆幾好呀~~~ 內裡洋溢既情懷都唔錯呀~~~ 不過單新聞真係好悶呀, 我寧願睇嘉欣同亨亨既婚禮好過喇!!!!
