惡媽咪 "林"爸B

"媽媽, 爸爸" 由細到大你都係咁樣叫我同老公!

但唔知點解早兩個星期開始, 你會自己叫我媽咪,媽咪既??

我好似冇教你叫媽咪架!

唔通你番學聽到同學仔叫媽咪, 你又跟住叫?

叫媽媽好, 叫媽咪也好, 其實都唔緊要啦!

我都覺得你叫得咁好聽!

至於爸爸, 你又叫佢Daddy, 近排又叫埋爸B, 爸B!

點解咁多得意稱呼既?

其實無論你點叫我地, 我同爸爸都當你係心肝仔,

錫到你濃架啦!

平時見到熹熹, 係咪覺得佢眼碌碌, 斯斯文文,

好似幾乖仔咁呢! 佢個樣真係扼到人架!

但其實係屋企, 熹熹都好霸王仔, 成日指住話要呢樣,

要個樣! 唔比佢, 就嘈嘈閉!

熹熹最鍾意蝦爸爸, 成日攞爸爸個I-phone 玩遊戲,

玩影相, 唔比佢就發爛渣, 大嘈大叫!

無法啦! 有個咁錫佢, 咁縱佢既爸爸!

但熹熹就蝦唔到我呢個惡媽媽, 佢要攞我既野玩,

我講左唔比就真係唔比, 唔會心軟架!

佢攞唔到要既野都會喊, 但喊幾分鐘就會收聲, 好快冇事!

所以都係睇下邊個夠耐力, 忍得!

我咁做, 都係唔想佢以為喊叫, 就要咩有咩囉!

雖然熹熹係屋企係少爺仔, 不過佢都有一樣幾乖既表現,

就係若果佢唔乖激嬲我, 比我鬧一餐, 咁當然佢會喊,

但佢喊完又即刻走黎攬住我, 仲會講錫媽咪, 冇事冇事!

通常佢咁肯認錯, 我就會怒火全消,

但都會同佢講番佢有咩唔啱,

所以媽媽才會嬲會鬧佢, 叫佢要聽話!

其實有時我都想同老公中和一下, 唔駛每次都係我做惡人,

爸爸做好人, 不過睇黎呢個情況都改變唔到,

因為爸爸都唔捨得鬧佢, 成日話熹熹仲細,

大個d先教, 聽住先啦!

所以我惟有繼續做惡媽咪, 爸爸做"林" 爸B!

不過我有信心, 即使我咁惡C,

熹熹都一樣係咁錫我既! 哈哈!