瘋狂喪玩日本東京五天之旅（二 － part I）

經過咗一晚休息，又一早起身日本之旅第二日啦！

睇吓東京o既清晨先！天氣好靚呀！

~ 早晨呀！東京！你好呀！ ~

~ 離開酒店，出發啦！Sun Shine City 拜拜啦！~

~ 哈哈，影吓個未瞓醒個樣先！ ~

~ 好奇怪，唔知點解咁多女仔係度排隊，唔知等咩呢？嘻嘻！我真係八卦啦！ ~

~ 經過呢部汽水機，嘩！好平喎！~

~ 咁耐以o黎，呢部最平，只係１００YEN咋！ ~

離開池袋，我哋去坐呢條地下鉄"有樂町線"，究竟我哋會去邊度？嘻嘻！ 唔講住！

~ 由呢處東池袋駅　－　有樂町線，出發啦！ ~

~ 我哋由東池袋站出發，會去到右手邊最後個站！要搭成十四個站o架！ ~

落到地下鉄站，嘩！有伝言板呀！ 唔！好野，我當然又發揮我頑皮本色，等我留吓言先！

~ 地下鉄 － 伝言板 ~

我留咩言？我本來想只係想留"X Y Z"！唔好心邪呀，我唔係講粗口呀！ 等我解釋吓先啦，其實漫畫"城市獵人"入面，如果有人想搵佢做野，就會係車站留言板寫上X Y Z"，咁City Hunter就會聯絡佢啦！我寫完"X Y Z"，細佬佢哋都冇人明我做咩，唉，搞到我好似外星人咁！ 咁最後咪唯有加番"城市獵人"囉！ 

~ 哥哥話"你影，我又影，不過我係影你" ~

o衣！呢度咩o黎呢？"女性專用車"，原來日本ｄ地下鉄，有ｄ車箱夜晚九點後，只準女士座o架！ 係防止日本ｄ"痴漢"騷擾ｄ女士，幾好喎！唔知香港幾時有呢？

~ 地下鉄 － 女性專用車箱 ~

~ 我o地坐咗入o黎，會唔會改叫"美女專用車"呢！ ~

~ 哎呀！未食早餐，有ｄ餓呀我！靜雞雞，係車箱入面飲"北海道牛乳"！ ~

~ o依！飲完牛奶，係精神ｄ喎！o黎，１２３，笑吓影番張相先啦！ ~

~ o衣！又有自動販賣機，搵吓有冇第二款"粟米湯"先！都一樣o既！唔買啦！ ~

去到新木場呢個轉車站，o衣！未食早餐嘛，經過呢個轉車站入面呢間麵鋪，冇位坐o架，係企位，睇果樣幾靚喎，試吓先啦！

~ 我似唔似導遊介紹緊ｄ名勝呀！ ~

又係呢ｄ機，日本好興呢ｄ自動買機o架，對遊客其實都幾，有圖睇，又好清楚幾多錢，鐘意買咩，自己買食卷，跟住比張食卷個日本人，唔怕溝通唔到，買野食唔知點叫！

~ 自動販買機~

~  哥哥叫，"喂，你哋咪掛住食啦，影番張相先啦！" ~

~ "喂，你哋都咪食住，都影番張相啦！" ~

~ 嘩！碗麵真係好好味o架，企係度食，又另有一番風味呢！ ~

~ 推介呢款 － 溫泉蛋肥牛烏冬！正！ ~

我哋試咗張poster推介o既"咖哩牛肉溫泉蛋拉麵"同"煙鴨胸溫泉蛋鳥冬"！正呀！非常好味道，去行呢個日本之旅，我推介呢間麵鋪係最好味果間！

~ 有機會大家都要試吓啦！ ~

~ 而且呢張poster介紹o既兩款麵同烏冬，真係冇介紹錯ｏ架！ ~

食飽啦！麵鋪隔離又見到有另外一隻牌子o既罐裝粟米湯賣！

~ 又買o黎試吓先！ 我遲早自己都變咗"粟米湯怪"！~

~ 哈哈！又多一個"粟米湯怪"出場啦！佢話"好味道呀！" ~

~ 食飽飽啦，又由新木場出發！~

~ 食飽之後，我坐車果樣，好似開始有ｄ呆呆哋o忝！ ~

唔怕，到啦，到啦！第一站，就係呢個係迪士尼附近個Makuhari Outlet啦！你睇，我個人成個醒哂啦！

~ Makuhari Outlet ~

話咁快又經過咗大約三個鐘o既瘋狂購物，買咗一大堆戰利品！ ｄNike真係好平好平，ｄ波鞋都係二佰幾至四佰幾不等！而且ｄ款又靚，有ｄ仲係新款o忝呢！我哋每人都買咗起碼三對呀！哈哈！講都唔信呀，哥哥一向都唔係好瘋狂買野，平時自己都唔太買衫，反而我平時買比佢多ｄ，但係佢今次係度好開心咁自己揀，買得仲多過我！好野！ 咁佢以後自己買衫比自己啦！

                              ~ 同我哋ｄ戰利品影番張相先！ ~

~ 呢ｄ就係戰利品啦！ ~

佢哋一心諗住著對舊鞋，買咗新鞋就掉咗ｄ舊鞋，我咪叫佢哋換鞋囉！ 我呢？就比佢哋威迫之下，要齊齊換新鞋，話要著住新鞋去迪士尼喎！好啦，一齊癲吓啦！但係，哥哥係咁叫我哋換，佢結果自己就唔換！

~ 嘻嘻！估吓呢對鞋／腳係邊個o既呢？ ~

~ 呢三隻腳呢？又會係邊個呢？ ~

~ 唏！開估啦！咪就係我哋三個o架囉！ ~

轉咗JR線，到咗呢個站再轉搭Disney Resort Line去迪士尼！日本ｄ車站，周圍都有locker租比人放野，而且好彩出站前，見到呢度仲有ｄ未人人租o既Locker咋！唔係我哋咁樣大包細包咁，都唔知點入去迪士尼盡情咁玩啦！

~ 車站入面o既大Locker Corner~

放好哂ｄ戰利品，我哋就帶住興奮o既心情去迪士尼盡量咁玩啦！

由於曾經去過Disney Land，而我未去過Disney Sea，所以今次我哋就決定去Disney Sea啦！差唔多１:45 p.m.啦！我哋又再戰迪士尼水世界啦！

第二日Part I，講到呢度先！跟住Part II，會講到入到迪士尼o既瘋狂勁玩經過，仲有一次好鬼搞笑同難忘o既經歷o忝！ 呢ｄ經歷我諗，唔係人人有o架！

Part II．．．待續

^_^