久久未露面...o既我

真係好耐．．．好耐．．．好耐,冇寫blog啦！！！

報導吓我近況先！

因為呢兩個月，好忙好忙!忙咩？唔係忙玩NDS，因為己經幾個星期冇玩啦！唔知我個Dream Town變成點？啲花又點呢？希望仲生存啦！

首先，係忙我o既學業大計啦！其實我由年頭o既時候開始，就已經決定咗報個大學課程，但係因為當時我朋友話，佢都想報讀,但係因為報緊日文，等埋佢呢，就再過多一個學期啦！咁其實呢，我又有少少懶啦，可以休息多半年，學吓整蛋糕,學吓啲興趣班咁，比自己玩多半年囉！所以結果決定咪等埋佢,咁又報遲咗一個學期,我當時又諗如果有個朋友仔一齊讀,可以互相鼓勵同一齊研究功課嘛！！！雖然到咗報名o既時候，佢因為私人原因，都冇報到，到最後，我都係得一個人讀,不過唔緊要啦，都一樣報名！跟住收到學校通知囉,搞吓返學d野囉！其實都係部份原因令我忙咗囉!咁又因為我即將返學，所以咪不時同啲朋友食吓飯,去玩吓咁囉！驚遲啲返咗學,會好忙,冇咩時間見朋友囉！

又同咗我爸爸，媽媽一家人去咗台灣旅行囉！想係返學前去嘛！

呢兩件事，都係我今年對自己作出要達成o既目標!!!都好開心完成咗!雖然讀書呢項只算係起步！

另外一個好忙o既原因,就因為呢,我遇咗我好鐘意o既貓巴士囉！同貓巴士一齊啲時間成日都好快過咁o既，見少啲都唔得囉！好忙好忙咁同貓巴士週圍去！

返學後，我估我更加少時間update呢個blog!唉！又會冇時間整吓甜品同蛋糕呢!希望遲啲我個焗爐一定封哂塵囉！唔好出芼芼就好啦！

不過我都會keep住睇你哋D blogo架！冇得整唧，都有得見吓你哋整蛋糕/甜品/美食嘛！！！