嘩,我哋拍咗拖一年啦!-First Year Anniversary Album

雖然我好鬼忙，時間好鬼緊迫，但係10月初o既時候，我係blog度無意中睇到一位好有心思o既女仔（miss cocoa bean）整咗一件好有心思o既相簿送比佢男朋友做生日禮物，當然佢果本係好有藝術天份同美感。

我都好想好想，係拍拖一週年o既時候送比貓巴士做一週年禮物，但係因為當時要趕交功課，再加上得番十幾日o既時候就考試，時間實在太緊迫啦！唔想迫得自己太辛苦而又造唔到想造o既「First Year Anniversary Album」，決定改到聖誔先送比貓巴士。

到結果，其實只係可以整到佢求緍果篇，未能夠完成到一週年o既時候，不過好想好想快啲送比貓巴士睇同一齊開心分享吓。

結果都決定咗係25號聖誔節正日送比佢睇，佢話好感動，嘻嘻，聽到呢一句，之前做到幾攰，放學返到屋企再攰都要造o既辛苦，都已經抵哂，個心甜哂。

基於我係一個冇咩藝術天份o既人，所以我呢本紀念本只係造得似一本幼維園程度o既勞作，，仲比貓巴士捉咗寫咗字/寫漏字，但係貓巴士仍然睇得津津有味，仲有佢果一句 「好感動」，我就已經非常開心同之前幾攰都唔記得哂。

其實呢本勞作未完o架，我會一有時間就繼續整，有可能整到結婚果時，就變成兩週年紀念本。