網誌分類：此刻心情 |
早幾日瞓醒嘅時候,可能個人醒咗但係D肌肉未醒晒嘅關係,唔小心扭到,自嗰日起我就超辛苦喇,莫講話轉頭,連抬起頭做人都好難.....
平時"就嚟死''先會睇醫生嘅我,都頂唔住要去探吓醫生,不過見慣大世面嘅醫生,對我嘅痛苦,好似唔多信咁,只係好是但咁開d止痛藥比我就算.....唉.....
西醫唔得就唯有搵其他妙方,聽人講比人鬆吓都係一件樂事,好,即管試吓!!
咁大個女,都未試過响香港鬆骨,過去嘅印象只係比D男人一個藉口去"梳乎","偷食",不過呢D原本只係一少部份.其實有好多都係正正經經嘅....
唔去都唔知,原來香港同大陸鬆骨嘅方法係唔同架,大陸只係會同你按穴位,按完第2日會好痛,不過唔會覺得鬆咗,但係香港嘅就唔同,幫我鬆骨嘅阿姐手勢超好,雖然度度都按到好痛,不過佢比我覺得佢好pro,除咗會按穴位之外,仲會同我每舊肌肉不停擠壓,當下當然好痛,不過過咗1,2日真係鬆晒....D肌肉,
而我.......就大部份好晒啦,但係可能個人老咗,又少運動,所以D關節呢幾日都有提醒我,佢哋嘅存在囉.....
N N 2009-11-01 12:31
艾美茄2009-11-02 00:20