豬氏一家 之 三星灣雷雨玩到攰屎人一天游

6.July2008(sun)

↓好難得星期日~ 我同No仔仲有緣仔~
約左四家車一家人去三星灣游水~

點知起出門口既時候...就落大雨~@@"
明明起身果時仲有太陽架~

好奇怪既天氣...為o左大家都唔想掃興~最終我o地都係決定呢次既行程!
其實最想去既都係小豬盈盈佢~ 因為佢好想同我地玩沙呀~kaka...

睇下...去到碼頭時個天仲係天陰陰~真擔心~

↓上船喇~ 今次行程有吉吉~ No仔~ 神秘人(緣仔)
豬氏一家~ 豬爸~ 豬媽~ 小豬盈盈~
↓呢相片就係小豬盈盈幫我地影架~大家覺得點~
無切左我地半個頭已經好好了~哈~仲影到有小小沙龍feel添~
↓yeah~到左目的地喇...因咩解構小豬盈盈會咁既樣呢!?
↓未就係因為我地一去到~
就見到一大舊黑雨雲向住我地沙灘黎緊囉~仲落晒大雨咁...

我o地即時去租番把沙灘遮先~>.<不過沙灘遮好貴呀~要成$80咁多呀~
↓見D雨細番小小...我地沖晒落水玩lu~
起個海仲暖過起沙灘上~kaka...
↓玩o下玩o下...又無落雨wor~
不過個天依然係天陰陰咁...太陽老伯唔知走左去邊~

不過...小豬盈盈照樣玩得都好開心~
↓豬氏一家....我証明佢o地同我一樣~都係傻的~
豬爸同豬媽...落左水玩左一陣...就留低o左小豬盈盈比我@@"

佢o地自己去左拍拖+釣魚....
原來佢地兩個一早帶埋D釣魚用具黎~ 喂~~~有棄嬰呀~~~>0</< font>
↓嘩~沙灘上有棄嬰...仲有隻豬起到玩沙添~
↓哈~小豬盈盈~
豬爸~豬媽唔起身邊,依然照玩可也~kaka...

↓小豬盈盈上次睇過我地D相,見我地砌o左隻八瓜魚出黎~
佢又話想整wor...又想整企鵝,又想整呢整路...

最終係整坑....要D海水通晒果隻...@@"
呢個就係第一期希望工程喇~
↓kaka~笑鬼死我~因為開始退潮既關係...
海水愈來愈出...佢o地既第一期希望工程宣佈失敗!

走緊海邊~決定再黎過第二期既希望工程....(最終都係失敗的~kaka)
↓黎到沙灘吉吉必定會走去小食亭買番D小食咬o下~
唔知點解~好普通既食物...魚蛋.燒賣,芝士腸都會覺得特別好味道!

睇o下小豬盈盈...就知佢肚仔餓啦~哈...
↓食完野第三次既希望工程再次進行~
佢地三隻野都話呢個工程係『豆腐渣工程』

原因係佢地今次唔整坑~改為整城堡...
點知起下又散,起下又再散晒...仲唔係豆腐渣工程~kaka...
↓哇哈哈~終於比我o地搞掂喇~似唔似城堡先!?
↓佢o地三隻野話,要親手毀滅個城堡~
呢個重任就交左比小豬盈盈佢做喇~(佢好興奮似的~)
↓緣仔埋o左小豬盈盈對腳~ kaka...仲畫番對腳指比佢~哈...
↓玩到差不多4點左右~ 我地都打算去沖身走人~
點知就見遠處有舊大烏雲過緊黎沙灘....跟住就聽到救生員宣佈:
『天文台發出雷暴警告,請所有人番上水面...』@@"

之後好快...就落起大雨喇~仲好大粒~
好得人驚呀~>.<...起沖身果時仲行雷添呀~ 喵
↓喵~ 終於平安上到船lu~
睇下我地三個隻手...玩到[巢]晒皮~kaka
↓雖然全日都天陰,係咁落雨~ 不過我相信盈盈都玩得好開心~^^
玩過沙啦~ 游過水啦~ 食過好好味既芝士腸~ 又第一次游出去浮台...

哈~最好笑係...我同盈盈游出浮台,
佢用水泡~ 我就起後面係咁推o下游o下~

小豬都不知幾咁興奮~因為佢話第一次去浮台~
仲係咁叫我:『阿姨~加速~加速呀....』@@" 唔係化~

游返上岸之後....我感覺自己好似做左兩個鐘既運動囉~kaka...
→盈盈你快d學識游水啦~
咁我下次就唔洗推你出浮台咁辛苦啦~哈...

今日我証明盈盈真係大個o左唔小...
因為我已經唔夠力去抱起佢,(離地1cm都唔得)

重到好似舊大石咁~>.<~哎吔~肥豬呀~

瀏覽此網誌的人數已經有: