Bebe的第二次打針~

21.June2009(sun)

今日係Bebe打第二針的日子~
又係我同No仔第一次帶Bebe去打針的日子啊~kaka

Bebe未打晒針係唔出黎街的,可能因為咁,佢出到街有d緊張~

鬼老獸醫好好人~起同Bebe打針之前同佢檢查一下身體~
話Bebe身體都ok~不過就要食多d食多d食多d...kakaka...

我其實一日已經比四餐佢食,大約三十粒狗糧,
如果再比多d佢食...就會變肥妹仔了~哈哈
不過唔緊要啦,最緊要佢健健康康咁我就放心了~

打完針返到屋企喇~@@"仲以為Bebe打完針會呆呆地的~
點知佢比以前仲活潑...
出完街~爹爹就幫Bebe清潔~kaka

Bebe: 『嘩~房入面有怪獸呀~好驚呀...』

由於獸醫話要Bebe食多d野...第一次買既狗糧就食晒~
於是同No仔出左去旺角買包新既,見都係要食...不如買最大包果隻啦,
又真係好好wor~起果間野買滿左300蚊,就會送埋貨~

哈...唔洗搬咁重既野返家,都唔錯~
仲要唔覺意做埋佢地既會員添,以後買野都有8折~哈

之前見Bebe成日抓個身...好想幫佢沖下涼,
但佢未打晒針.都唔可以濕水住...
所以買左呢支唔洗過水既泡泡番黎幫佢清潔一下~

哈哈~Bebe濕身樣呀~
不過沖過幾次...Bebe都係咁抓個身~
又唔係有跳蚤,皮膚又無紅bor~真係唔知咩事~