悶

放假第2天~11點幾就起左身~之後車老爸出去元朗就去左食野同埋剪頭髮,剪完都係兩點幾,諗住返屋企洗下車啦...點知個天又落雨...唯有係屋企hea下,搞下d濕碎野...搞搞下唔覺唔覺已經6點幾7點,係時候出去踢波喇~

今晚係幫喬仔去個間教會踢比賽...之前完全冇同過d人夾過...真係唔知會點嫁...不過真係踢既時候都尚算ok既,只不過有個o靚仔真係超獨食..死扭爛扭...真係有d想屌9佢=.=不過算啦,反正最後都贏左2比1,希望佢下次唔好咁獨啦~而今日自己既表現都ok~幾有狀態,真係要keep住,但係下一場要返工踢唔到...唉~

踢完波去左宏仔到食飯~食埋個飯就車佢同咸濕仔去皇岡,佢兩個返大6搵女~而我就返屋企繼續無所事事=.=仲有兩日假,都唔知做乜好,想飲下野都搵唔到人陪~個個都要返工....睇黎都係要繼續4400嫁喇我~