小琳

岩岩起身睇報紙~講一個21歲少女小琳因為e院出錯打錯針,而令到呢個曾經患過血癌,而差不多康復既人..再一次昏迷...而且情況仲係好危險=.=而呢個少女原來就係我識左好多年既一個網友....我同佢由icq年代已經認識~雖然唔係話成日傾計...但係都有keep住...閒時都會大家講下大家既感情問題,呢個女仔比我既感覺係好樂天,有計劃同有理想同埋重感情既一個人~然而一個咁好既人,往往就要佢受一d咁既苦,一次都算喇....差唔多好返既時候,點解又要將佢推返去痛苦既地方??點解要咁唔公平呢??個天係咪真係咁鍾意玩人既呢??

巧琳~妳要加油呀,奇蹟絕對會出現係妳身上,唔好輸比個天,妳係一個堅強既人~呢d事係唔會打擊到妳嫁...好多人都等緊妳,我深信妳係唔會有事嫁..加油呀..!!!!!!!

唉~真係有少少down=.=同事chris到今日都仲未醒,而家又多一單,人生要面對既野真係好多,所以真係今朝有酒今朝醉..好怕有一日突然訓低果個係我...唔係怕我冇得再玩...係怕我身邊既人因為我而傷心..