網誌分類：未分類 |
2006年10月29日
今日下午去觀塘同婆婆飲茶!飲完茶之後,媽咪提議我同妹妹同埋菲傭一齊去街巿買餸煮晚飯!
之後返到婆婆屋企後,我地一行三人就拉住買餸車到街巿買餸喇!
媽咪叫我地買蟹,其他既餸就由我地自己決定!於是我就決定今晚整薑蔥炒蟹!雖然我之前未試過整炒蟹,但係我之前見過爸B整過!希望成功唔會記錯步驟啦!
終於都買咗材料返屋企喇!但係最大既問題就係要劏蟹!我咁大個女都未劏過蟹架........!雖然唔驚,但係好似無從入手咁!於是我首先將隻蟹個鉗屈斷.............好殘忍呀!跟住我就出盡力將個殼同個身分開!成功喇!原來劏蟹都唔係想像中咁難架!
之後我就靠我既記憶去炒蟹喇!希望熟啦!
上碟喇!上碟喇!好緊張呀!因為到開飯既時候呀!我爸B同婆婆佢地都話我煮得好好味呀!好開心呀!我又多咗一樣拿手菜式喇!
mimi Blog 未有任何已發表的網誌
Sindy-Hello Kitty 2008-02-22 16:30
MAN~KITTY 2007-07-24 23:20
其實呢,我叫我過咗身嘅爸爸都係叫爸B.
你放心,你遲小小一定揾到個好男子,忘記過去唔開心嘅事,見你咁耐冇寫新嘢,就知你一定唔開心咗好耐....
你都係我好朋友嚟呀,有咩事記得揾我,電話,電腦一樣揾到我,知冇?
粉紅公主 2006-11-26 23:00
Energy*'`'*-.,_, 2006-11-03 15:47