網誌分類：未分類 |
圖片
網誌日期：2009-11-18 09:34
一星期…兩星期…一個月…兩個月…三個月…半年…我地仍然係次次都照樣20人企到唔夠2呎距離、照樣都係d波亂十咁飛、照樣都係－ 鬼打牆！
“阿sir，我地都打左成半年有多喇播，係咪要去tennis court度顯下身手呢？”我大膽求証！
“Oh…你地連牆都未打好，點落場呀？打下先啦！”半唐番阿sir好明顯係hea我咁講。
“唔係播，好好醜醜都比我地落下場先至知真正既網球係點打個播！”我，由細到大都唔怕死！
“你知唔知，好多世界級既pro都係打牆練番黎架？！波格都係咁練番黎架咋！u know?! Come on!快d去練習啦！”講完，阿sir轉身再自顧自好enjoy咁打牆。
我果時年紀細唧，但並唔係弱智！
根本，就冇落場呢回事！我想認識真正既網球，亦係冇可能！
毅然退出，係我當時既決定。
之後，有成10年冇再打波。直至95年尾，忽然醒起可以攞番d不愉快回憶出黎玩下…
直至果時，印象中既網球就只係－ 執波、打牆、再執波、再打牆、好悶、d波飛到9樓咁高！
工欲善其事，其實係有下一句既！
“一定要搵個似樣d既教練學！呢d錢，唔可以慳！”我早就知我係聰明架喇。
我當時電視台既老細知我想學波，介紹左個教練比我。
雖然，教練年紀係大d、外表又比真實年紀再大dd、d球速又慢d、走動又少d之外，佢既口吻同世界頂級既教練都係冇咩分別－ 都係一隻手揸板、一對腳走位、都係一個人類…
同入黑社會既原理一樣－ 搵錯教練，等同跟錯大佬，結果只有一個 － 學藝不精！
學左1年，發覺不外如是，決定自己約腳打…
又1年後，我覺得自己好好波！點知…
同真正既高手打起上黎，搓都搓死你！對手，重要係女人一名。
果時，我就知道，咩叫做屎波！
“冇理由女人都會打得好過我既！”十幾年後，我再立志！
終於搵左個香港青年軍既教練教波。貴就貴d，但工欲善其事丫嘛！
一學又一年。
呢一年，進步良多；改善好多姿勢上既問題…
“原來，網球係咁樣既一回事…”我發覺洗哂d錢之後，第一句安慰自己既說話。
因為工作，我比左個藉口自己停左唔打波！事實上，我認為人生應該有比玩更重要既事情等住我去做！
4年後，有一日，我發覺冇咩好做。忽然，又再諗起呢位久違了既“舊朋友”…
好似整定咁，比我撞番一個識左好耐、但唔係我教練既教練…所謂情投意合，我決定跟佢再學再補習…
學左1年…
“我終於明白網球係咩一回事！”果一刻，我終於彷然大悟。
然後…網球再次因為工作呢個藉口，喺我生命中消失…一別，10年…
“係時候番黎喇！”今朝，我忽然諗番起呢位好耐冇見既老朋友…
“係時候要做番d positive野喇…咁蒲落去，都唔係辦法！”我20年黎，第3次為左網球立志！
希望唔會再有第4次！
我當年既2個偶像都宣佈出番黎打老人賽…我冇由唔“復出”啦，下嘛？（如果復出到既話！）
IMG_0077.jpg
IMG_0071.jpg
1186165307.jpg
井月軒 2009-11-29 18:17
冠中 2009-11-29 08:58
冠中 2009-11-27 17:04
佩齊 2009-11-26 22:08
道歉是人類一定必要的禮節
..................................................宇宙人004號 2009-11-26 00:35
希望在明天~~~~
地球..............我回來了~~~~
古月狐2009-11-26 06:15
ceceliad 2009-11-25 20:49
成功是一把梯子，雙手插在口袋裡是爬不上去的。
..................................................糖果 2009-11-24 16:09
WINCYN. 2009-11-23 22:17
古月狐2009-11-26 06:15
丫哩 2009-11-23 19:49
May姑+輝公 2009-11-23 05:00
古月狐2009-11-26 06:14
丫哩 2009-11-22 22:13
丹丹 2009-11-21 16:52
dodienuno 2009-11-20 21:41
RO素 2009-11-19 10:48