I'M BACK!!!!!

今次短短大概五日的日本大阪之旅，收穫絕不比長trip少！(其實去日本，一日都可以買個夠！)

除去頭尾兩日，真正活動的，就只有中間的三日。頭兩日去了Universal Studios，第三日就... SHOPPING！

第一日去到，check-in後上房... 嘩！做乜係雙人床一張呢？仲要係吸煙房，咪啦... 又OK細囉... 我買的package明明係Twin Room啦，仲要係non-smoking囉！
我係房等，搞左一輪，話訂左"Classic City View"。其實無"Twin = Classic City View"一回事。一係Twin = Premier City View，一係Double = Classic City View。
然後話簽張紙，每晚加3000YEN，換間Twin房...
有無搞錯！！！！！我買機票package，Twin價貴過Double OK多架！有乜理由咁樣！我又要旺季起行，附加費都加死我啦！加多3000YEN？！仲要搞到簽埋紙？！NO WAY！
So我就落去... 「理論」(我自認係確實純粹落去嘈。我無乜「理」同「論」可言！)
你又唔好理我點樣語言不通地講呀講，總之最後係：簽了的紙，即撕；會check back with Travel Agency；之後話free upgrade，留返係大大的Twin房中。
It's a Miracle！

行程緊迫，先講一講Universal Studios啦！我地OK勁架！係無買佢set Express Tickets的情況下(那兒沒有Fast Pass，有一本好似Fast Pass的Booklet，入面有八個主題ride的"Fast Pass"；時間，是要用錢來買的。)
真係玩晒呀！係上晒所有Rides，睇晒所有shows！！！仲有幾個rides encore到！
唔好問我exactly點做得到。我只會講，第一日過後，我帶左張shows programme返房慢慢研究，砌左好耐，加上第二日跟住我編的schedule衝黎衝去，先得...
仲要加上少少運氣：第一日尾，我地跑住去JAWS，成為佢關大門(每個ride都有度大門)前最後兩個，一衝到入去，大門隨即關上！
第二日，我係10-15分鐘內衝左四個樂園裡好遠的角落！加埋玩/買/影野的時間bor！點做到？哈哈，神蹟囉！

我好耐無試過玩rides玩得咁投入！真係好難架！玩得太多，係會... 睇下佢個design，睇下佢個arrangement... 得係Jurassic Park個ride，我係認真「哇！」左一聲！唔係驚叫，係欣賞驚嘆的「哇！」。
為紀念此，我買左幅相。
第二個OK投入的，是JAWS。因為得來不易，所以多多少少要投入多dd。然後黑嗎嗎，就真係好in the mood啦！儘管明知全部係機械sharks，多幾分投入，又黑到無得預知機關，唔錯架！
2100關門的Universal Studios，賺得錢唔好徙！你shop到2145都唔趕你！

要講講Shopping的戰利品！死啦，我今次真的發瘋了。
我唔好意思list囉，就好似我今年都無list書展的戰利品，同上年的CD排行榜一樣，都係... 超唔好意思。
OK，總之，淨計件數... 就... 大概... 4... 0... 四十啦。
我可以分享少少啦... 少少啦。

我係Universal Studios壓左6個penny呀！我儲souvenir pennies的，Universal Studios的pennies design超細緻，好靚！好值，100YEN個！

入唱片舖，就執到寶！清貨大減價！幾年前的EP/CD Single，只售105YEN張。我掃左d Love Psychedelico同Every Little Thing。

好近半夜，d舖關門後，街上有文化人開地檔。我見一d類似以前friendship bracelets的手繩，買左。點解買d自己係幾分鐘可以搞掂既野？我真係解唔到。不過我無後悔呀！至少到而家都未啦！

我入左貨呀！超呀！多左幾副超。

我無端端買，但到而家都無後悔，仲要係S/S Season，我都仲買的，包括：Hot Pink背心袋型上身；黃色好毛巾feel的...裙...(你無睇錯，我更加無打錯，係裙，skirt。)

我終於買左襯到絕的黑色線帽。我好無聊，不過可以twin裝囉...(我俾唔到個形容詞，for example，情侶裝、母女裝、父子裝、家庭裝、姊妹裝、兄弟裝...)

我買左Jill Stuart呀！係，我認，我係俾人影響，仲要跟人用！不過... 咁真係好嘛！我買左套Mix Blush，同埋August New Color的Lip Luster囉！仲有冇人短期內會去日本呀？9.12有新product出呀！我個temporary membership card valid for 3 months呀，幫我入貨呀！

我暫時講完啦，因為我有其他野要做先。我想話，我住的酒店，房裡無兔費wi-fi。我而家要煲「溏心風暴之家好月圓」啦！